اتامباەۆ مەرەكەلەر قارساڭىندا راقىمشىلىق جاريالادى
قىرعىزستان پرەزيدەنتى المازبەك اتامباەۆ «قىرعىزستان رەسپۋبليكاسىنىڭ تاۋەلسىزدىگىنە 25 جىل جانە 1916 جىلعى ۇلت-ازاتتىق كوتەرىلىسكە 100 جىل تولۋىنا وراي جاريالانعان راقىمشىلىق تۋرالى» زاڭدى قابىلدادى.
زاڭعا سايكەس، العاش رەت بەس جىلعا سوتتالعاندار جانە كامەلەت جاسقا تولماعاندار; 60 جاستان اسقان ەر كىسىلەر مەن 55 جاستان اسقان ايەلدەر; I جانە II توپتاعى مۇمكىندىگى شەكتەۋلى جاندار; سونداي-اق اسا اۋىر ەمەس قىلمىس جاساعاندار قىلمىستىق جاۋاپكەرشىلىكتەن جانە باس بوستاندىعىنان ايىرۋ جازالارىنان بوساتىلادى.
كولونيا قونىسىنداعىلار جازاسىنىڭ جارتىسى، ال ادەيى جاسالعان قىلمىستار ءۇشىن 10 جانە ودان از جىلدارعا سوتتالعاندار مەرزىمىنىڭ ۇشتەن ءبىرى قىسقارتىلادى.
كىسى ءولتىرۋ، زورلىق، سەكسۋالدىق سيپاتتاعى بۇزىقتىق، قىلمىسپەن تاپقان تابىستى زاڭداستىرۋ، تەرروريزم، كەپىلگە كىسى الۋ، جاپپاي تارتىپسىزدىك قىلمىستارىنا راقىمشىلىق بەرىلمەيدى.
زاڭ جاريالانعان كۇنى كۇشىنە ەنەدى جانە ءۇش ايدىڭ ىشىندە ورىندالادى.
اباي-اقپارات
