مارقۇمنىڭ تۋىستارى مورالدىق شىعىن مولشەرىن 238 مىڭ 800 سوموني نەمەسە 30350 دوللارعا باعالاعان ەدى. شاعىمدانۋشىنىڭ مۇددەسىن سوتتا ازاپتاۋعا قارسى ازاماتتىق قوعام كواليتسياسىنىڭ ادۆوكاتتارى قورعادى.

ادۆوكات ديلافرۋز سامادوۆا "ادىلەت ۇستەمدىك قۇرماعانىنا، ال سوت بولماشى عانا وتەماقى بەلگىلەگەنىنە" شاعىمداندى. ەندى ولار سوتتىڭ بۇدان جوعارى تۇرعان ساتىسىنا ارىزدانادى.

فيرداۆس راحماتوۆ 2015 جىلى 7 مامىردا اسكەرگە قابىلدانعان، تۋرا ءۇش ايدان سوڭ – 7 ماۋسىمدا ونىڭ دەنەسى اتا-اناسىنا قايتارىلدى.

وتكەن جىلى قازاندا سوعدى گارنيزونىنىڭ اسكەري سوتى راحماتوۆتى سوققىعا جىققان ءۇش ساربازدى كىسى ءولتىرۋ قىلمىسى ءۇشىن سوتتادى. ەكى سەرجانت جانە قاتارداعى جاۋىنگەر 18 جىلدان 17 جىل ارالىعىندا باس بوستاندىقتارىنان ايرىلىپ، قاتاڭ رەجيمدەگى كولونياعا جىبەرىلدى.

اباي-اقپارات