اۋدان اكىمى ب.كوشەرباي اۋدان ورتالىعى شايان ەلدى مەكەنىنىڭ كاسىپكەرلەرىمەن كەزدەستى. بۇل تۋرالى «Abai.kz» پورتالى بايدىبەك اۋدانى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

كەزدەسۋدەگى نەگىزگى ماقسات ەلدى مەكەن ىشىندەگى كاسىپكەرلىك باعىتتا پايدالانىلىپ جاتقان دۇنگىرشىكتەر مەن ساۋدا ورتالىقتارى، اپتەكا، شاشتاراز، مونشا سىندى جەكە مەنشىكتەگى قۇرىلىس نىساندارىنىڭ قاس-كەلبەتىن رەتكە كەلتىرۋ ماسەلەسى  بولاتىن.

اۋدان اكىمى جينالعان كاسىپكەرلەرگە قازىرگى تاڭدا اۋدان ورتالىعىنداعى كوشەلەر كەڭەيتىلىپ، اياق جولدار سالىنىپ، 10 گۇلزار، 10 اركا، 10 اۆتوتۇراقتىن سوگىلعانىن جانە دە بالالار وينايتىن الاڭنىن جۇمىستارى قارقىندى ءجۇرىپ جاتقاندىعىن ايتتى.  سول سەبەبتەن بارلىق كاسىپكەرلەر دە اتسالىسىپ ءوز مەنشىگىن رەتكە كەلتىرىپ سىرلاۋ، ارلەۋ جۇمىستارىن جۇرگىزسە دەپ پىكىرىن ءبىلدىردى.

كاسىپكەرلەر تاراپىنان ايتىمبەتوۆ ۇلان  قاۋىپسىزدىكتىڭ الدىن-الۋ ماقساتىندا  ءاربىر ازامات ءوز جەكەمەنشىك نىساندارىنا باقىلاۋ كامەرالار قويىلسا دەگەن ۇسىنىسىن ايتتى.

كەزدەسۋ سوڭىندا كاسىپكەرلەر ايتىلعان پىكىرلەر مەن ۇسىنىستاردىڭ ورىندى ەكەنىن جانە قازان ايىنا دەيىن  بارلىق  جەكەمەنشىك نىسان ساۋلەتىن بىركەلبەتتى ەتىپ، باقىلاۋ كامەرالارىن قوياتىن بولىپ تارقاستى.

Abai.kz