جۇما, 29 ناۋرىز 2024
ءسۇيىنشى! 5648 0 پىكىر 30 قىركۇيەك, 2017 ساعات 16:03

اقپاراتتىق كەڭىستىك جاڭا سايتپەن تولىقتى


ەلىمىزدىڭ اقپاراتتىق كەڭىستىگى مەملەكەتتىك ءتىلدىڭ مارتەبەسىنە قىزمەت ەتەتىن جاڭا اقپاراتتىق-تانىمدىق سايتپەن تولىقتى. ول «Tilalemi.kz» پورتالى، - دەپ حابارلايدى اباي-اقپارات مادەنيەت جانە سپورت مينيسترلىگىنىڭ ءباسپاسوز قىزمەتىنە سىلتەمە جاساپ.  

اتالعان پورتال قازاقستان رەسپۋبليكاسى پرەزيدەنتىنىڭ تىكەلەي پارمەنىمەن قۇرىلعان. ناقتىلاپ ايتساق، مەملەكەت باسشىسى نۇرسۇلتان ءابىشۇلىنىڭ 2011 جىلعى 29 ماۋسىمداعى № 110 جارلىعىمەن بەكىتىلگەن «قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011-2020 جىلدارعا ارنالعان مەملەكەتتىك باعدارلاماسى» اياسىندا قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ تاپسىرماسى بويىنشا ازىرلەنىپتى.

وزگە سايتتاردان وزگەشەلىگى «ءتىل الەمى» پورتالى تەك مەملەكەتتىك تىلدە اقپارات تاراتادى. نەگىزگى دەگەن التى ايدارى بار پورتالدىڭ ىشىنەن وقىرماننىڭ وي-ورەسىن، ءبىلىم كوكجيەگىن ارتتىرۋعا ارنالعان تانىمدىق ماتەريالدار توپتاستىرىلعان. سونداي-اق، اتالعان پورتالدا ادەبيەتشى، تاريحشى عالىمدار مەن قالامگەرلەردىڭ تىڭ پكىرلەرى، قىزۋ پىكىر-تالاستارى، بالالارعا ارنالعان مۋلتيمەديالىق جوبالار، قازاق تىلىنە اۋدارىلعان مۋلتسەريالدار دا وسى پورتالدان تابىلادى.

انا ءتىلىمىزدىڭ كەڭگە قانات جايىپ، تۋعان تىلىندە تولعامى مەن تولعانىسى، ويى مەن وزەگى، وتكەنى مەن بۇگىنى بايان بولاتىن تەڭدەسى جوق تاڭداۋلى، العاشقى جوبا - «ءتىل الەمى» پورتالى قازاق ەلى ءۇشىن ءونىمدى جۇمىس جاسايدى.

ماقساتى – مەملەكەتتىك ءتىلدىڭ اۋقىمدى كەڭىستىكتە ەركىن سامعاۋىنا، مارتەبەسىنىڭ كوتەرىلۋىنە، ءتىل ۇيرەتۋدەگى ءتيىمدى ادىستەردىڭ بىرىگىپ، يگىلىكتى جۇمسالۋىنا، ءاربىر وقىرماننىڭ، قولدانۋشىنىڭ جەكە پاراقشاسى ارقىلى وڭتايلى جۇمىس جاساۋىنا جول اشۋ.

ەگەر ءسىز ءتىل ءۇشىن تاۋەكەلگە بارىپ، ارقاشان قۇدىرەتتى ءتىلدىڭ كوگەرۋىنە كومەكتەسكىڭىز كەلسە، «ءتىل الەمىنە» ساياحات جاساپ كورىڭىز.

سايتتىڭ سىلتەمەسى: tilalemi.kz

Abai.kz

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3544