تۇركىستاندا «پاروۆوز» ەسكەرتكىشى ورناتىلدى. بۇل تۋرالى «Abai.kz» پورتالى تۇركىستان قالاسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

تۇركىستان قالاسىندا تاريحى عاسىردان اساتىن ۇلكەن ۇجىم بار. ول – ماقسۇت يسكەنديروۆ باسقاراتىن «تۇركىستان لوكوموتيۆ پايدالانۋ دەپوسى».

وڭىردە سوڭعى جىلدارى يگى ىستەرىمەن كوزگە ءتۇسىپ جۇرگەن ۇجىم ورنالاسقان اۋلا بۇگىندە تالاي جولاۋشىنىڭ تاعدىرىن ىشىنە بۇككەن كونە لوكوموتيۆتەردىڭ مەكەنىنە اينالعان.

اتاپ ايتساق، 1904 جىلى جولعا شىققان پاروۆوز بۇگىن ۇرپاقتان ۇرپاققا جالعاسقان تەمىرجولشىلاردىڭ قارا شاڭىراعىنا ايالداپ، وسىنداعى تاريحي تەحنيكالاردىڭ سانىن ارتتىردى.

ناقتىسى، قالا اكىمدىگىنىڭ باستاماسىمەن جانە تۇركىستان بەكەتى توراپتىق ۇجىمدارى قىزمەتكەرلەرى مەن جۇمىسشىلارىنىڭ قولداۋى ارقاسىندا قازاقستان رەسپۋبليكاسىنىڭ تاۋەلسىزدىگىنىڭ 25 جىلدىعىنا وراي، «پاروۆوز» ەسكەرتكىشى ورناتىلدى.

قالا اكىمى ءا.وسەرباەۆ، قالالىق ءماسليحات حاتشىسى ع.سارسەنباەۆ جانە وسى سالانىڭ ارداگەرلەرى يگى شاراعا قاتىسىپ، تەمىرجولشىلاردى كاسىبي مەرەكەسىمەن قۇتتىقتادى. جانە دە ەسكەرتكىشتىڭ لەنتاسىن قيىپ، يگى باستاماعا ىستىق ىقىلاستارىن جەتكىزدى.

ايتا كەتكەن ءجون، وقو-دا تاريحي ەسكەرتكىشتەرگە ەرەكشە كوڭىل بولىنگەن. وسىنىڭ الدىندا وقو-دا تاريحي ەسكەرتكىشتەر اۋماعى زاڭسىز قۇرىلىس نىساندارىنان تازارتىلعان ەدى. تاريح جانە مادەنيەت ەسكەرتكiشتەرi, قورعالاتىن تابيعات وبەكتiلەرi بار اۋماقتاردا قۇرىلىس جۇرگiزۋگە تىيىم سالىنىپ جانە شەكتەۋ قويىلعان.

مۇنان بولەك، بۇگىنگى تاڭدا، باسقارما ماماندارىمەن 200-گە جۋىق نىساننىڭ زاڭدىلىعى زەردەلەنۋدە. ەگەر اتالعان نىساندار سوت شەشىمىمەن زاڭسىز دەپ تانىلسا، قۇرىلىس نىساندارى بۇزىلاتىن بولادى.

Abai.kz