شىمكەنت قالاسىندا بۇگىندە ساياسي- قوعامدىق احۋال تۇراقتى. بۇل تۋرالى قالا اكىمى عابيدوللا ءابدىراحىموۆتىڭ توراعالىعىمەن وتكەن كەزەكتى قالا اكىمدىگىنىڭ ماجىلىسىندە ايتىلدى. شىمكەنت قالاسىنداعى قوعامدىق ساياسي جاعدايدى تۇراقتاندىرۋ بويىنشا اتقارىلعان جۇمىستار تۋرالى قالالىق ىشكى ساياسات بولىمىنىڭ باسشىسى قانات قالىبەكوۆ بايانداما جاسادى.

- التى اي ىشىندە بۇقارالىق اقپارات قۇرالدارىندا جەر كودەكسىن ءتۇسىندىرۋ بويىنشا 184 ماتەريال جارىق كورگەن. سونداي-اق، قازاقستان رەسپۋبليكاسى ورتالىق كوممۋنيكاتسيالار قىزمەتى تاراپىنان جولدانعان اقپاراتتىق اگەنتتىكتەر پاراقشالارىندا جانە الەۋمەتتىك جەلىلەردە جاريالانعان. جەر ماسەلەسى بويىنشا زاڭعا وزگەرىس ەنگىزۋگە قارسىلىق بىلدىرگەن ازاماتتارمەن شاھار باسشىسى عابيدوللا  ابدىراحىموۆتىڭ باسشىلىعىمەن اشىق ديالوگ ورناتىلدى. مۇنداي ىستەردى رەسپۋبليكامىزداعى بەلگىلى ساياساتتانۋشىلار، ەكسپەرتتەر جوعارى باعالاپ، الەۋمەتتىك جەلىلەردە، ءتىپتى نارازىلىق بىلدىرۋشى ازاماتتار دا وڭدى پىكىر ءبىلدىردى، - دەدى قالالىق ىشكى ساياسات ءبولىمىنىڭ باسشىسى قانات قالىبەكوۆ.

شىمكەنت قالاسىنىڭ العاشقى جارتىجىلداعى الەۋمەتتىك-ەكونوميكالىق دامۋىنىڭ جاعدايى تۋرالى قالا اكىمىنىڭ ورىنباسارى گۇلجان قۇرمانبەكوۆا ايتىپ ءوتتى. ياعني، وسى جىلدىڭ 1 شىلدەسىندەگى ستاتيستيكالىق مالىمەتكە سايكەس، ونەركاسىپ ءونىم كولەمى 155,9 ملرد. تەڭگەنى قۇراپ، ناقتى كولەم يندەكسى 5 پايىزعا، تاسىمالدانعان جۇك كولەمى 7,2 پايىزعا، ىسكە قوسىلعان تۇرعىن ءۇي 2,9 ەسە، كاسىپكەرلىك سۋبەكتىلەرىمەن شىعارىلعان ءونىم كولەمى 1,4 پايىزعا وسكەن. ال، ەكونوميكا سالالارىندا 9 434 جاڭا جۇمىس ورىندارى اشىلىپ، جۇمىسسىزدىق دەڭگەيى 5,1 پايىزدى قۇرادى. سونىمەن قاتار، قالا بويىنشا ورتاشا ايلىق جالاقى 11,2 پايىزعا ءوسىپ، 95 220 تەڭگەنى قۇراعان.

قالا اكىمدىگىنىڭ ماجىلىسىندە شاھار تۇرعىندارىن تولعاندىرىپ وتىرعان بىرقاتار ماسەلەلەر ءسوز بولدى. ءوز كەزەگىندە شاھار باسشىسى اكىم ورىنباسارلارى مەن اۋدان اكىمدەرىن، ءبولىم باسشىلارىن حالىقپەن كەزدەسىپ، تۇيىتكىلدى پروبلەمالار بويىنشا ءتۇسىندىرۋ جۇمىستارىن جۇرگىزۋگە شاقىردى.

Abai.kz