زەرتتەۋشىلەر توبى انىقتاعانداي، 2000 جىلداردىڭ باسىندا Verint جانە Nice Systems سىندى كومپانيالار وزبەكستان مەن قازاقستانعا جاپپاي قۇپيا باقىلاۋ تەحنولوگيالارى مەن قۇرىلعىلارىن ساتقان، دەپ حابارلادى Associated Press. اتالعان كومپانيالاردىڭ يزرايلدىك ماماندارى تاشكەنتكە بارىپ، بۇل تەحنولوگيالاردىڭ قالاي جۇمىس ىستەيتىندىگىن كورسەتىپ بەرگەن. قۇرىلعىلار وزبەك ارنايى قىزمەتىنە قۇپيا اقپاراتتاردى تەلەفونمەن نەمەسە ەلەكتروندىق پوشتا ارقىلى الماساتىن ادامداردى تاۋىپ، قاماۋعا الۋعا كومەكتەسەدى.

Associated Press حابارلاۋىنشا، ادام قۇقىعىن ۇنەمى بۇزىپ جۇرگەن اۆتوريتارلىق ەلدەردىڭ ۇكىمەتتەرى باتىستىڭ ارنايى قىزمەتى مەن پوليتسياسى پايدالاناتىن تەحنولوگيا مەن قۇرالدارعا يە بولعان. وسى تەحنولوگيالاردىڭ كومەگىمەن اۆتوريتارلىق بيلىكتەر ادامداردى تۇرمەگە جاۋىپ، ولارعا زورلىق كورسەتتى، دەيدى ادام قۇقىعىن قورعاۋشى توپتار.

Reuters-ءتىڭ حابارلاۋىنشا، حاكەرلەر قازاقستان ۇكىمەتىنىڭ تاپسىرىسىن ورىنداۋعا جۇمىس ىستەگەن. ولار قۋعىنداعى ديسسيدەنتتەردىڭ، ادۆوكاتتارى مەن جاقتاستارىنىڭ ەلەكتروندىق قۇرىلعىلارىنا تىڭشى باعدارلامالار ورناتۋعا تىرىسقان. كيبەرشابۋىلدار بۇل ەلدەردە شىنايى قىلمىستاردى اشۋدا سيرەك قولدانىلادى، دەپ جازدى Reuters.

اباي-اقپارات