قابىلداۋ بارىسىندا «وتان» اۋىلىن قۇرۋ تۋرالى قۇجاتتاردى راسىمدەۋ رەسپۋبليكا دەڭگەيىندە شەشىم تابىلماعاندىعىنا قاراماستان ءوز بەتىنشە ءتيىستى قۇجاتتارىن راسىمدەمەي تۇرعىن ءۇي مەن قوسالقى شارۋاشىلىقتارىنىڭ قۇرىلىستارىن جۇرگىزگەن. ياعني، سالىنعان نىسان ەگەلەرىنىڭ قۇرىلىس جۇمىستارىن جۇرگىزگەن جەرلەرگە اۋىلدىق وكرۋگى اكىمى تاراپىنان جەر تەلىمىن پايدالانۋعا بەرۋ تۋرالى شەشىمى شىعارىلماعان جانە مەملەكەتتىك قۇقىق بەرەتىن اكتى الىنباي، قازاقستان رەسپۋبليكاسىنىڭ قۇرىلىس   نورمالارى مەن ەرەجەلەرىنىڭ تالاپتارى ساقتالماعان جانە اتاپ وتەتىن ماسەلە وسى جەردە ورنالاسقان ازاماتتاردىڭ بارلىعىنىڭ اتا-قونىسى مىڭبۇلاق اۋىلدىق وكرۋگىنە قاراستى ەلدى مەكەندەرى جانە سىرتتان كەلگەن ازاماتتار جوق.

ەلدى مەكەندى جاڭادان اشۋ ءۇشىن اۋىل شارۋاشىلىعى ماقساتىنداعى جەردىڭ ساناتىن اۋىستىرۋ جانە ەلدى مەكەننىڭ ينفراقۇرىلىمىن ازىرلەپ، الەۋمەتتىك نىسانداردى سالۋ ءۇشىن قوسىمشا قارجى كوزدەرى قاجەت. ال، قازىرگى تاڭدا اتالعان وكرۋگ بويىنشا 5 ەلدى مەكەن بار. وسى ەلدى مەكەننىڭ بارلىعىندا مەكتەپ، مەديتسينالىق تىرەكتەر جانە مەكتەپكە دەيىنگى ءبىلىم بەرۋ ۇيىمدارى ورنالاسقان. حالىق سانىنىڭ ازدىعىنا بايلانىستى مەكتەپتەردە وقۋشىلار تولىق قامتىلماعان. جالپى العاندا مىڭبۇلاق اۋىلدىق وكرۋگى اۋماعىنان جاڭا ەلدى مەكەندى اشۋ قاجەتتىلىگى تۋىنداپ وتىرعان جوق. 

اتالعان ازاماتتارعا ءساۋىر ايىنداعى كەزدەسۋدە مىڭبۇلاق اۋىلدىق وكرۋگىنىڭ كەز-كەلگەن ەلدى مەكەنىنەن تۇرعىن ءۇي سالۋ ءۇشىن قاجەتتى جەر تەلىمىن بەرۋگە دايىن ەكەندىگى ايتىلىپ، ولار جيىن – تەرىمنەن كەيىن كوشۋگە رۇقسات بەرۋىن ءوتىنىش رەتىندە ايتقان بولاتىن. وسى وتىنىشتەرى قاناعاتتاندىرىلىپ، كۇزگى جيىن-تەرىم بىتكەنشە ۋاقىت بەرىلگەن. 

بۇل ماسەلە الداعى ۋاقىتتا اۋدان اكىمدىگىنىڭ باقىلاۋىندا بولىپ، بيىلعى جىلدىڭ قىركۇيەك ايىندا اتالعان ازاماتتارعا تولىعىمەن مىڭبۇلاق اۋىلدىق وكرۋگى ەلدى مەكەندەرىنەن جەر تەلىمدەرى بەرىلەتىن بولىپ كەلىستى.

Abai.kz