جۇما, 29 ناۋرىز 2024
قوعام 5997 0 پىكىر 1 تامىز, 2016 ساعات 11:36

شەتىن وقيعا كەزىندە جارالانعان تاعى ەكى پوليتسەي قايتىس بولدى

الماتىداعى جەدەل كومەك كورسەتۋ اۋرۋحاناسىنىڭ رەانيماتسيا بولىمىندە جاتقان تاعى ەكى پوليتسيا قىزمەتكەرى قايتىس بولدى. پوليتسەيلەر الماتىداعى اتىس كەزىندە اۋىر جاراقات العان بولاتىن. دارگەرلەر بارىن سالعانىمەن، جاراقات تىم اۋىر بولعان، - دەپ حابارلايدى Zakon.kz  پورتالى.

قايتىس بولعان ازاماتتىڭ ءبىرى – 1973 جىلى تۋعان  پوليتسيانىڭ اعا سەرجانتى ابىلداەۆ سەرىك ەركەنۇلى. جەرگىلىكتى جول پاترۋلدىك پوليتسياسى قىزمەتكەرى بولعان. 1994 جىلدان بەرى قر ىشكى ىستەر مينيسترلىگىندە قىزمەتتە بولعان. «ىشكى ىستەر ورگاندارىنداعى ءمىنسىز قىزمەتى ءۇشىن» مەدالىنىڭ 1, 2, 3 دارەجەلەرىمەن، «قازاقستان پوليتسياسىنا 20 جىل» مەدالىمەن  ماراپاتتالعان. ۇيلەنگەن، مارقۇمنىڭ ارتىندا ايەلى مەن ءۇش قىزى قالدى.

اۋرۋحانادا قايتىس بولعان ەكىنشى پوليتسەي 1992 جىلى تۋعان پوليتسيا لەيتەنانتى راحماتۋللاەۆ مەيرامبەك نۇريددينۇلى. المالى اۋداندىق ءىىب-نىڭ ۋچاسكەلىك ينسپەكتورى بولىپ قىزمەت اتقارعان. 2012 جىلدان بەرى قر ءىىم قۇرىلىمىندا قىزمەتتە بولعان. وتباسىلىق جاعدايى – ۇيلەنگەن.

قر ارداگەرلەر كەڭەسى مەن الماتى قالالىق ءىىد-ءى مارقۇمداردىڭ وتباسىنا كوڭىل ايتادى.

ەستەرىڭىزگە سالا كەتەيىك، 2016 جىلدىڭ 18-ماۋسىمىندا بولعان اتىس كەزىندە اۋىر جاراقات العان پوليتسەيلەر الماتىداعى جەدەل كومەك كورسەتۋ اۋرۋحاناسىنا جەتكىزىلگەن-ءتىن.

قازىر قۇقىق قورعاۋ ورگاندارى  شەتىن وقيعا كەزىندە تۇتقىندالعان  رۋسلان كۇلىكباەۆتىڭ ۇستىنەن قر قىلمىستىق كودەكسىنىڭ التى بابى بويىنشا تەرگەۋ جۇمىستارىن جۇرگىزۋدە.

ولار:

- 99 باپ، 2-تارماق بويىنشا، (ەكى نەمەسە ودان دا كوپ ادامدى ءولتىرۋ);

- 269 باپ، 2-تارماق بويىنشا، (قارۋ قولدانۋ ارقىلى مەملەكەتتىك ورگان عيماراتىنا شابۋىل جاساۋ);

- 380 باپ، 2-تارماق بويىنشا،  (بيلىك وكىلىنە شابۋىل جاساۋ، كۇش قولدانۋ);

- 255 باپ، 4-تارماق بويىنشا، (تەرروريزم اكتىسى);

- 291 باپ، 1-تارماق بويىنشا، (قارۋ-جاراقتى ۇرلاۋ);

- 200 باپ، 4-تارماق بويىنشا، (اۆتوكولىكتى رۇقساتسىز باسقارۋ، كۇش قولدانۋ).

 Abai.kz

 

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1579
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606