بەيسەنبى, 28 ناۋرىز 2024
كاسىپ-ءتۇبى ءناسىپ 4692 0 پىكىر 28 شىلدە, 2016 ساعات 11:07

وتاندىق قۇبىردىڭ وزىق تۇسى كوپ

«Amitech Astana» زاۋىتى تمد اۋماعىندا شىنى-پلاستيك قۇبىرلارىن شىعارۋدان جانە ساتۋدان كوش باستاپ تۇر. ول  ءوز ونىمدەرىن جەرگىلىكتى نارىقتان باسقا, رەسەي, ۋكراينا, بەلارۋس, وزبەكستان, تاجىكستان, تۇركىمەنستانعا تاسىمالدايدى. باسقا دا ەلدەرگە جەتكىزۋ ءۇشىن كەلىسسوزدەر جۇرگىزىلۋدە.

ءباسپاسوز ساياحاتى كەزىندە «Amitech Astana» جشس باس ديرەكتورى ۇلان سارسەنقۇلوۆ جۋرناليستەرگە Flowtite شىنى-پلاستيك قۇبىرلار جۇيەسىنىڭ تولىق ءوندىرىسىن، سونداي-اق شيكىزات ساپاسى مەن دايىن ءونىمدى وزدەرىنىڭ زاۋىتتارىنىڭ اككرەديتتەلگەن زەرتحاناسىندا باقىلاۋ ادىستەرىن تانىستىردى.

«Amitech Astana» جشس قۇبىر زاۋىتى 2005 جىلدىڭ 20 ساۋىرىندە ىسكە قوسىلعان. قۇرىلىس جوباسى مەن ءوندىرىستى پايدالانۋعا بەرۋدى قازاقستان دامۋ بانكى قارجىلاندىردى. وسى ۋاقىتتا كاسىپورىن قدب الدىنداعى نەسيەلىك قارىزىن تولىعىمەن وتەدى جانە «قدب-نىڭ جۇزەگە اسقان جوباسى بولىپ تابىلادى».

««Amitech Astana» جشس قۇبىر زاۋىتى - مەملەكەتتىك يندۋستريالدىق-يننوۆاتسيالىق دامۋ باعدارلاماسى اياسىندا تۇساۋى كەسىلگەن وتاندىق تاۋار ءوندىرۋشى نىسانى.  بيىل 5 ميلليون دوللاردان استام سوماعا قۇبىر ازىرلەپ ۇلگەردىك. ىشكى نارىقتان تىس، كورشى ەلدەرمەن دە ىنتىماقتاستىق ورناتتىق. قازاقستان دامۋ بانكىنىڭ تابىستى ىسكە اسىرىلعان جوبالارىنان سانالامىز. بانك الدىنداعى قارىزىمىزدى، نەگىزگى نەسيە بار، وپەراتسيالىق شىعىنداردى قوسقاندا، بارلىعىن كوپ سوزباي جاۋىپ تاستادىق. ناتيجەسىندە ءتيىستى قارجى ينستيتۋتىنان العىس حات يەلەندىك. كاسىپورنىمىز قر پرەزيدەنتىنىڭ «التىن ساپا»  سىيلىعىنىڭ شاعىن جانە ورتا كاسىپكەرلىك سالاسىنداعى «وندىرىستىك باعىتتاعى ۇزدىك كاسىپورىن» اتالىمى بويىنشا 2011 جىلعى جۇلدەسىن ەنشىلەدى. وزىق تەحنولوگيالارعا سۇيەنگەن رايدا، شيكىزاتتى تەك ىشىنە بىرقاتار ەۋروپالىق سەرىكتەستەرىمىز كىرەتىن سەنىمدى كوزدەردەن الامىز. وسى ورايدا اتاپ وتەرلىك جايت، قازاقستاندىق قۇرامنىڭ «Amitech Astana» جشس وندىرىسىندەگى ۇلەسى 87 پايىزدى مەجەلەيدى. تەك ەلدەگى كارىز-تازارتۋ جۇيەلەرى، سۋىق ءارى ىستىق سۋمەن قامتاماسىز ەتۋ قۇبىرلارى كەڭەس ۇكىمەتىنەن بەرى توزىپ تۇرىپ، ۋاقىت كۇتتىرمەي اۋىستىرۋدى قاجەت ەتەتىندىكتەن، ونىمىمىزگە سۇرانىس زور. نارىق اۋقىمى كەڭ»، - دەيدى ۇلان سارسەنقۇلوۆ.

«Amitech Astana» زاۋىتى تمد اۋماعىندا شىنى-پلاستيك قۇبىرلارىن شىعارۋدان جانە ساتۋدان كوش باستاپ تۇر. ماسەلەن، ءوز ونىمدەرىن جەرگىلىكتى نارىقتان باسقا، رەسەي، ۋكراينا، بەلارۋس، وزبەكستان، تاجىكستان، تۇركىمەنستانعا تاسىمالدايدى. باسقا دا ەلدەرگە جەتكىزۋ ءۇشىن كەلىسسوزدەر جۇرگىزىلۋدە.

ء«وز ونىمدەرىمىزدى تۇراقتى ەكسپورتتىق تاسىمالداۋدان باسقا، وتكىزۋدىڭ جاڭا باعىتتارىن ۇنەمى دامىتىپ وتىرامىز. ناق وسى ۋاقىتتا شىنى-پلاستيك قۇبىرلارىن گرۋزيا، ازەربايجان مەن ارمەنياعا، سونداي-اق رف شەشەن رەسپۋبليكاسىنا جەتكىزۋ مۇمكىندىگىن قاراستىرامىز»، - دەدى «Amitech Astana» جشس باس ديرەكتورى ۇلان سارسەنقۇلوۆ.

كاسىپورىن قۋاتتىلىعى جىلىنا ديامەترىنە بايلانىستى 60-تان 360 كم قۇبىردى قۇرايدى، ال ءوندىرىستىڭ ديامەترلىك قاتارى – 300-دەن 3000 مم-گە دەيىن.

Flowtite ماركالى قۇبىرلار ماگيسترالدى سۋ قۇبىرلارى، كارىز سۋاعارلارى جوعارى قىسىمدى قۇبىر جەلىلەرىنە، بۇكىل الەم بويىنشا ەگىستىكتى سۋعارۋ جۇيەسىنە، نەگىزىنەن تۇرعىن ءۇي-كوممۋنالدىق شارۋاشىلىق، مۇناي وڭدەۋ، تاۋ-كەن ونەركاسىبى، حيميالىق جانە وزگە دە ونەركاسىپ سالالارى ءۇشىن جاسالىنادى.

Flowtite قۇبىرلارى اۋىز سۋ مەن تەحنيكالىق سۋدى تاسىمالداۋ سالاسىنا دا بەكىتىلگەن.

ىشكى بەتىنىڭ تەگىستىگى، قاجالۋعا توزىمدىلىگى، تاتتانبايتىن جانە ديامەترلەرىنىڭ ۇلكەندىگى – Flowtite شىنى-پلاستيك قۇبىرلارىنىڭ باسقا قۇبىرلارعا قاراعانداعى دارالايتىن قاسيەتتەرى.

ەكولوگيالىق تازا جانە مۇلدە تاتتانبايتىن ەرەكشەلىگى – ەلەكتر-حيميالىق كورروزيادان قورعاۋدى، شويىن جانە بولات قۇبىرلاردى مونتاجداۋداعى سياقتى ىشكى جاعىن تسەمەنتتى-قۇمدى وقشاۋلاۋدى كەرەك ەتپەيدى; جىل بويىنا مونتاج جۇمىستارىن جۇرگىزە بەرۋگە بولادى; سالماعى جەڭىل (بولات قۇبىرلاردان 4 ەسە، تەمىربەتون قۇبىرلاردان 10 ەسە جەڭىل);

شىنى-پلاستيك قۇبىرلاردى تاسىماداۋ دا وڭاي، قۇبىردىڭ ىشىنە قۇبىر ادىسىمەن كەز-كەلگەن كولىكپەن تاسىمالداۋعا بولادى. ارزان، كادەگە جاراتۋدا قاراپايىم، ساپالىق قاسيەتتەرى ءتوزىمدى قازاقستاندىق قۇبىرلار 75 جىلعا دەيىن قىزمەت ەتە الادى.

استانا قالالىق كاسىپكەرلەر پالاتاسىنىڭ ەكونوميكالىق ماسەلەلەر جونىندەگى ديرەكتورىنىڭ ورىنباسارى المات ءجۇنىسوۆ وتاندىق تاۋار وندىرۋشىلەرگە پالاتا جۇيەلى تۇردە كومەكتەسىپ كەلە جاتقانىن ايتتى.

«بيىل استانا قالاسىنىڭ كاسىپكەرلەر پالاتاسى اكىمدىك جانىنان، سونداي-اق «سامۇرىق-قازىنا» ۇاق» اق-نىڭ ەنشىلەس ءىرى كومپانيالارىمەن جەرگىلىكتى قۇرامدى مونيتورينگتەۋ جونىندەگى ساتىپ الۋ ماسەلەسىمەن شۇعىلداناتىن كوميسسيا ۇيىمداستىردى. كوميسسيا جۇمىسىنىڭ ماقساتى كۆازيمەملەكەتتىك سەكتور ۇيىمدارى مەن وتاندىق تاۋار وندىرۋشىلەر اراسىندا ءوزارا ارەكەتتەستىكتى قامتاماسىز ەتۋ بولىپ تابىلادى. بۇدان باسقا، استانا قالاسىنىڭ كاسىپكەرلەر پالاتاسى ەكىنشى جىل «اتامەكەن» ۇكپ قولداۋىمەن «قازاقستاننىڭ ۇزدىك تاۋارى» رەسپۋبليكالىق كورمە-كونكۋرسى مەن قازاقستان رەسپۋبليكاسى پرەزيدەنتىنىڭ «التىن ساپا» سىيلىعىن الۋ ءۇشىن بايقاۋ ۇيىمداستىرىپ، وتكىزىپ كەلەدى. بايقاۋعا ەلىمىز اۋماعىندا تاۋار وندىرۋمەن جانە قىزمەت كورسەتۋمەن  اينالىساتىن ءارتۇرلى مەنشىك نىسانىنداعى ۇيىمدار قاتىسا الادى. وسىنداي بايقاۋلاردى وتكىزۋ قازاقستان نارىعىن جوعارى ساپالى جانە باسەكەگە قابىلەتتى ونىمدەرمەن كوبەيتۋگە سەپتەسەدى»، - دەپ اتاپ ءوتتى المات ءجۇنىسوۆ.

الدابەرگەن كەمپىرباەۆ

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2252
عيبىرات

قايسار رۋحتى عازيز جان

مۇحتار قۇل-مۇحاممەد 3505