وڭتۇستىك قازاقستان وبلىسىندا ەل تاۋەلسىزدىگىنىڭ 25 جىلدىعىنا وراي «25 جىلدىققا – 25 يگى ءىس» شاراسى جالعاسۋدا.بۇل تۋرالى «وقو اكىمىنىڭ ءباسپاسوز قىزمەتى» حابارلايدى. 

يگى ىستەر اياسىندا ء«بىز بىرگەمىز!» اكتسياسى شەڭبەرىندە وبلىستا 300-گە جۋىق مۇمكىندىگى شەكتەۋلى ازامات تۇراقتى جۇمىسپەن قامتىلىپ، 100-دەن استام مۇگەدەك اقىلى قوعامدىق جانە الەۋمەتتىك جۇمىستارعا تارتىلعان. 

ۇيىمداستىرىلعان 18 بوس جۇمىس ورىندارىنىڭ جارمەڭكەسى كەزىندە 416 مۇمكىندىگى شەكتەۋلى ازاماتقا جۇمىسپەن قامتۋ شارالارى كورسەتىلدى. ونىڭ ىشىندە، 280 مۇگەدەك تۇراقتى جۇمىسقا، 25 ادام اقىلى قوعامدىق جۇمىسقا، 6-ۋى قايتا دايارلاۋ كۋرستارىنا، 86-ى الەۋمەتتىك جۇمىس ورىندارىنا جانە 19 مۇمكىندىگى شەكتەۋلى جاس جاستار پراكتيكاسىنا جولداندى. 

مۇنان بولەك، 1368 مۇمكىندىگى شەكتەۋلى ازاماتقا الەۋمەتتىك كومەكتەر كورسەتىلىپ، جىل باسىنان بەرگى جوسپار ارتىعىمەن ورىندالدى. 

ەسكە سالايىق، ايماعىمىزدا ءوڭىر باسشىسى ب.اتامقۇلوۆتىڭ باستاماسىمەن «ەل تاۋەلسىزدىگىنىڭ 25 جىلدىعىنا 25 يگى ءىس» شاراسى باستاۋ الىپ، وتۋدە. 

وسىعان وراي، جوسپارلانعان «دەنى ساۋدىڭ جانى ساۋ»، «الەۋمەتتىك قولداۋ»، «وتباسىن قولداۋ»، «بىرلىگى جاراسقان تاۋەلسىز قازاقستان!» جانە «يگى ءىس جاساۋعا اسىق» اتتى بەس ءتۇرلى ايلىق شارالارى كەزىندە بارلىق سالالار بويىنشا جەلتوقسان ايىنا دەيىن يگى ىستەر ۇيىمداستىرىلىپ، وتكىزىلەتىن بولادى. 

Abai.kz