ەۋروكوميسسيا ورتالىق ازيا ەلدەرىنىڭ ەكولوگيالىق پروبلەمالارىن شەشۋگە كومەكتەسەدى
ەۋروپالىق كوميسسيا (ەك) وزبەكستان، قىرعىزستان، تاجىكستان ەلدەرىندە سوۆەت داۋىرەنەن بەرى ۋران وندىرىلگەن نىسانداردىڭ قورىنا 16,5 ميلليون ەۋرو ءبولدى دەپ حابارلايدى «ينتەرفاكس».
«ەك سونىمەن بىرگە قىرعىزستاننىڭ مين-كۋش، شەكافتار جانە مايلۋ-سۋ اۋداندارى مەن تاجىكستاننىڭ تابوشار، دەگماي اۋىلدارىندا قورشاعان ورتانىڭ جاعدايىن باعالاۋ ءۇشىن قارجى بولەدى. اتالعان ايماقتارداعى راديواكتيۆتى قالدىقتار تۇرعىنداردىڭ دەنساۋلىعىنا جانە قورشاعان ورتاعا قاۋىپ توندىرەدى»، – دەلىنگەن ەۋروكوميسسيانىڭ تاجىكستانداعى وكىلدىگىنىڭ تاراتقان اقپاراتىندا.
ەكولوگيالىق ماسەلەلەردى شەشۋگە ارنالعان جاڭا قور ەۋروپالىق وداقتىڭ باستاماسىمەن قۇرىلعان جانە يادرولىق قاۋىپسىزدىك سالاسىنداعى ىنتىماقتاستىق جونىندەگى قور قارجىلاندىرادى. ال قۇرىلىپ جاتقان جاڭا قوردى ەۋروپالىق بانك باسقارادى.
اباي-اقپارات
