اگروونەركاسىپتىك كەشەندى دامىتۋدىڭ 2017-2021 جىلدارعا ارنالعان باعدارلاماسى ومىرگە ەنگىزىلمەك، - دەپ حابارلايدى اباي-اقپارات "ەگەمەن قازاقستان" گازەتىنە سىلتەمە جاساپ.

ۇستىمىزدەگى جىلعى 9 قىركۇيەك كۇنى وتكەن ۇكىمەتتىڭ كەڭەيتىلگەن وتىرىسىندا ەلباسى اۋىل حالقىنىڭ جاعدايىن جاقسارتۋعا باعىتتالعان بىرقاتار تاپسىرما بەرگەن بولاتىن.

«ۇكىمەت بۇگىندە شاعىن نەسيە بەرۋ اياسىن ودان ءارى كەڭەيتۋ جونىندە شارا­­لار قابىلداۋى ءتيىس. ءوزىن ءوزى جۇمىسپەن قامتيتىنداردىڭ 60 پايىزى اۋىلدا تۇرادى. وسىعان بايلانىس­تى، «جۇمىسپەن قامتۋدىڭ جول كارتاسى» اياسىندا ءبىز 5 وڭىردە قاناتقاقتى رەجىمدە «اۋىلداعى جۇمىس ورنى» جاڭا جوباسىن ىسكە اسىرۋدى باستادىق. وعان 10 ملرد تەڭگە ءبولىندى. بۇل جۇمىستى جۇرگىزۋ بارىسىندا كووپەراتسيالاردى دامىتۋ ىسىنە ايرىقشا كوڭىل ءبولۋ قاجەت. «كووپەراتسيالار تۋرالى» ءتيىستى زاڭ قابىلداندى. ەندى جەر-جەرلەردە ۇلكەن ۇيىمداستىرۋ جانە ءتۇسىندىرۋ جۇمىستارى كۇتىپ تۇر. ۇكىمەتكە اكىم­دەر­مەن بىرلەسىپ، ەلدى مەكەندەردە اۋىل­شارۋاشىلىق ونىمدەرىن وتكىزۋ جانە قايتا وڭدەۋدى قامتاماسىز ەتەتىن كووپەراتيۆتەر ۇيىمداستىرۋ جونىندەگى شارالار قابىلداۋدى تاپسىرامىن»، دەگەن بولاتىن.

سونىمەن قاتار، مەملەكەتتىڭ قازى­ناسى بيىلعى جىلدىڭ قورىتىن­دىسىندا 830 ميلليارد تەڭگە قوسىم­شا كىرىسكە تولىعۋى كۇتىلىپ وتىرعاندىعىن، مۇنىڭ ءوزى بيىلعى جىلى داعدارىسقا قارسى جوسپاردان شىعۋعا جانە ستراتەگيالىق دامۋ مىندەتتەرىن ورىنداۋ ءۇشىن قازىرگى پروبلەمالاردى شەشۋگە مۇمكىندىك بەرەتىندىگىن ايتا كەلە، وسىعان بايلانىس­تى نەگىزگى ءۇش مىندەتتى اتاپ كورسەتكەن بولاتىن. وسىعان وراي «اگروبيزنەس-2020» باعدارلاماسىنىڭ اياسىندا جىل سوڭى­نا دەيىن اگروونەركاسىپتىك كەشەندى دامى­تۋ­دىڭ مەملەكەتتىك باعدارلاماسىن ازىر­لەۋدى ۇسىنعان ەدى. «الداعى بەس جىل ىشىندە كەمىندە 600 مىڭ گەكتار سۋارمالى جەردى اينالىمعا ەنگىزۋ كەرەك. اۋىل شارۋاشىلىعى مينيسترلىگى مەن اكىمدەر اۋىل­شارۋاشىلىق جەرلەرىن ءتيىمدى پاي­دالانۋعا قاتاڭ باقىلاۋ جۇرگىزۋ ءتيىس. ول جەرلەردى اپاتتى جاعدايداعى سۋ قويمالارىن جوندەۋ جانە جاڭادان سالۋ ەسەبىنەن قاجەتتى سۋ كولەمىمەن قام­تا­ماسىز ەتۋ كەرەك»، دەگەن بولاتىن. سونىمەن قاتار، اگروونەركاسىپ كەشە­نىندەگى سۋبسيديالاۋ جۇيەسىن جەتىلدىرۋ، ءتيىمسىز سۋبسيديالاردى دوعارۋ جانە ونىمدىلىكتى ارتتىرۋعا نازار اۋدارۋ قاجەت ەكەندىگىن اتاپ كورسەتكەن ەدى.

ەلباسىنىڭ وسى تاپسىرمالارىنا بايلانىستى ەلىمىزدىڭ اۋىل شارۋا­شىلىعى مينيسترلىگى «قازاقستان رەس­­پۋبليكاسىنىڭ اگروونەركاسىپتىك كەشەنىن دامىتۋدىڭ 2017-2021 جىل­دارعا ارنالعان مەملەكەتتىك باع­دار­لاماسى تۇجىرىمداماسىنىڭ جوباسىن» ازىرلەدى. اتالعان جوبا قازىرگى كۇنى ەل كاسىپكەرلەرىنىڭ قاتىسۋىمەن كەڭىنەن تالقىلانۋدا. جوبانىڭ ەلىمىزدىڭ اۋىل­دارىندا كووپەراتيۆتىك قوزعالىستى دامىتۋعا سەرپىن بەرەتىندىگى اتاپ كورسە­تىلۋدە.

وسى اپتانىڭ سارسەنبىسى كۇنى وسىنداي ءبىر ءماندى كەزدەسۋ «اتامەكەن» ۇلتتىق كاسىپكەرلەر پالاتاسىندا بولىپ ءوتتى. بۇل باس­قوسۋ ەل وڭىرلەرىن كەڭىنەن قامتىعان ونلاين رەجىمىندە جۇرگىزىلدى. ونىڭ جۇمىسىنا پرەمەر-ءمينيستردىڭ ورىنباسارى – اۋىل شارۋاشىلىعى ءمينيسترى اسقار مىرزاحمەتوۆ قاتىستى. اۋىل شارۋاشىلىعى ءمينيسترىنىڭ ورىنباسارى قايرات ايتۋعانوۆ تۇجىرىمدامادا قامتىلعان ماسەلەلەردى كەڭىنەن اڭگى­مە­لەپ بەردى. وندا اگروونەركاسىپتىك كەشەننىڭ قانداي سالالارى مەملەكەتتىك قولد­اۋعا يە بولاتىندىعى، الداعى بەس جىل­دا ەل اگرارشىلارى مەملەكەتتىك قولداۋدىڭ قانداي تۇرلەرىنە يە بولا­تىن­دىعى، وسىعان دەيىن قولدانىستا بو­لىپ كەلگەن مەملەكەتتىك قولداۋدىڭ قان­داي شارالارى كۇشىن جوياتىندىعى، سونى­مەن قاتار، ىشكى رىنوكتى وتاندىق اۋىلشارۋاشىلىق ونىمدەرى جانە ازىق-تۇلىك تۇرلەرىمەن تولتىرۋ ماقساتىندا قان­­داي جوسپارلاردىڭ ازىرلەنىپ جات­قان­دىعى ناقتى ايتىلدى.

سونىمەن، قايرات ايتۋعانوۆتىڭ ايت­ىپ وتكەنىندەگىدەي، جاڭا مەملە­كەت­تىك باعدارلامانى ازىرلەۋ قاجەت­تى­گى قازاقستاننىڭ ەۋرازيالىق ەكونو­مي­­كالىق وداقتىڭ، دۇنيەجۇزىلىك ساۋدا ۇيىمنىڭ قۇرامىندا جاسايتىن ارە­كەت­تەرىنە، سونداي-اق، عالامدىق ەكونو­مي­كادا بولىپ جاتقان وزگەرىستەر مەن ەلىمىز­دەگى ىشكى ۇدەرىستەرگە بايلانىس­تى تۋىنداعان. تۇجىرىمدامادا اگروونەر­كا­سىپتىك كەشەندى ودان ءارى دامىتۋدا قازاقستاننىڭ كۇشتى جانە ءالسىز جاق­تا­رى­نا تالداۋلار جاسالىنعان. سوعان ساي­كەس ولقىلىقتاردى تولتىرۋدىڭ ناقتى شارا­لارى كورسەتىلگەن.

ماسەلەن، ەلىمىزدىڭ مال شارۋا­شى­لى­عىنداعى مال ونىمدەرىن وڭدەۋ مەن ساتۋ ىسىنە جۇرگىزىلگەن تالداۋلار ەلىمىزدىڭ ىشكى رىنوگىندا بالىق، قۇس ەتى، شۇجىق، ىرىمشىك، سۇتتەن الىناتىن ماي ونىمدەرى جونىندە يمپورتتىڭ باسىم ەكەنىن كور­سەتىپ بەردى. بۇل باسىمدىق جالپىلاي العاندا 33 پايىزبەن 67 پايىز ارا­لىعىندا بولىپ وتىر. ال قوي، سيىر، شوش­قا ەتى جونىنەن ەلىمىز ءوزىن ءوزى تولىق قامتاماسىز ەتىپ قانا قويماي، سونىمەن قاتار، ەكسپورتتى قازىرگىدەن الدەقايدا ارتتىرۋ مۇمكىندىكتەرىنە يە.

ەندى وسىمدىك شارۋاشىلىعىنىڭ ونىمدەرىنە كەلەتىن بولساق، ماكارون، وسىمدىك مايى، كوكونىس جانە جەمىس-جيدەك كونسەرۆىلەرى جونىندە يمپورت كولەمى مولىراق. سونىڭ ىشىندە قانت يمپورتىنىڭ كولەمى 97 پايىزعا دەيىن جەتىپ وتىر. ال استىق ونىمدەرى، ۇن جانە بىرقاتار ونىمدەر جونىنەن ەلىمىز ىشكى رىنوكتى تولىقتاي قامتاماسىز ەتىپ قانا قويماي، سونىمەن قاتار، ولاردى سىرتقى رىنوكتارعا شىعارۋدا الەمدىك دەڭگەيدە ءوز ورنى بار بەلسەندى ويىنشىلاردىڭ قاتارىنا قوسىلىپ وتىر.

تۇجىرىمدامادا اۋىلشارۋاشىلىق ونىمدەرىن ءوندىرۋ مەن وتكىزۋدىڭ جانە ولاردى وڭدەۋدىڭ نەگىزگى پروبلەمالارى ايقىندالعان. ولاردىڭ قاتارىندا بيدايدىڭ ارتىق ءوندىرىلۋى، قۇراماجەم، ارپا، قۇس ەتى ونىمدىلىگىنىڭ جەتكىلىكسىزدىگى، وڭدەلگەن ەت، ءسۇت، كوكونىس، جەمىس-جيدەك ونىمدەرى ۇلەسىنىڭ ازدىعى، سيىر، شوشقا، قوي ەتى ەكسپورتى دەڭگەيىنىڭ تومەندىگى سەكىلدى وتكىر تۇرعان ماسەلەلەر بار. وسى پروبلەمالاردىڭ ورىن الۋ سالدارىنان ەلىمىز سىرتقى ساۋدادا وتكەن جىلدىڭ قورىتىندىسى بويىنشا 1,3 ميلليارد دوللاردى الا الماعان.

وسى ولقىلىقتاردىڭ ورنىن تولتىرۋ ءۇشىن بىرقاتار شارالار قابىلدانىپ وتىر. وسىلاردىڭ نەگىزى رەتىندە باستى ماقساتتار ايقىندالعان. سونىڭ ىشىندە 6 ءتۇرلى مىندەتكە ەرەكشە كوڭىل بولىنبەك. ەگەر توقتالا كەتەتىن بولساق، ولار:

ءبىرىنشى – مال شارۋاشىلىعىنىڭ تيىم­دىلىگىن 58 پايىزعا، وسىمدىك شارۋا­شىلىق تيىمدىلىگىن 40 پايىزعا دەيىن ارتتىرۋ;

ەكىنشى – تاۋارلى وندىرىسكە 670 مىڭ ۇساق ءوندىرۋشىنى تارتۋ ءۇشىن اۋقىمدى اۋىل­شارۋاشىلىق كووپەراتسيالارىن دامىتۋ جانە ونىمدەردى وتكىزۋ مەن وڭدەۋ­دىڭ قولدانۋعا ءتيىمدى جۇيەسىن قۇرۋ;

ءۇشىنشى – اۋىلشارۋاشىلىق تاۋ­ار وندىرۋشىلەرىن بارىنشا كەڭىنەن قام­تي وتىرىپ، جالپى سالا بويىنشا مەم­لەكەتتىك قولداۋدىڭ تيىمدىلىگىن جانە قول­جەتىمدىلىگىن قامتاماسىز ەتۋ;

ءتورتىنشى – كوزدەلگەن ماقساتقا قول جەت­كىزۋگە باعىتتالعان ەكسپورتتىق ساياسات­تى ىسكە اسىرۋ جانە ورگانيكالىق ءونىم­نىڭ قازاقستاندىق برەندىن العا جىلجىتۋ;

بەسىنشى – 600 مىڭ گەكتاردان استام سۋارمالى جەردى اينالىمعا قوسۋ;

التىنشى – اگروونەركاسىپ كەشەنىن مەم­لەكەتتىك رەتتەۋدى ودان ءارى جەتىلدىرۋ.

مىنە، وسىندا اتالعان مىندەتتەردى ويدا­­عىداي جۇزەگە اسىرا الساق، مۇنىڭ ءوزى ەلىمىزدىڭ اۋىل شارۋاشىلىعىنىڭ دامۋىنا قوسىمشا سەرپىن بەرەتىندىگى انىق. سوعان ءبىر مىسال رەتىندە ايتا كەتەتىن بولساق، سوڭعى كەزدەردە جۇرگى­زىل­گەن زەرت­تەۋلەر 1 گەكتار سۋارمالى جەر­دىڭ تيىم­دىلىگى مەن بەرەتىن پايداسى 1 گەكتار ءتالى­مى جەردەگىدەن 30 ەسەگە دەيىن ارتىپ تۇسە­تىندىگىن كورسەتىپ وتىر. سوندا 600 مىڭ گەكتار سۋارمالى جەردى اينا­لىمعا قوسۋ دەگە­نىمىز 18 ميلليون گەكتار ءتالىمى جەردى ىسكە قوسۋمەن بىردەي بولىپ شىقپاي ما؟ دەمەك، اتالعان مىندەتكە جارىم-جارتى­لاي قول جەتكىزدىك دەگەننىڭ وزىندە مۇنىڭ ءوزى ەلىمىزدىڭ اۋىل شارۋاشىلىعى كەشە­نىنىڭ دامۋىنا الدەقايدا سەرپىن بەرە­تىندىگى انىق.

ءبىز ەندى جالپى تۇجىرىمداماعا جان-جاقتى توقتالماي-اق، ونىڭ ىشىندە بۇگىنگى كۇنى بۇكىل اۋىل حالقىن تولعاندىرىپ وتىرعان اسا ءبىر وزەكتى ماسەلە – ولاردىڭ قولىنداعى ءونىمدى وتكىزۋ ماسەلەسىنە توقتالماقپىز. قازىرگى اۋىل حالقى دەگە­نىمىز كىمدەر؟ ولار – كوبىنەسە وزدەرى­نىڭ قولىنداعى ازىن-اۋلاق مالى مەن ەگىستىك جەرلەرىنە سۇيەنىپ ءومىر ءسۇرىپ جاتقان، ياعني تەك ءۇي شارۋاشىلىعىمەن عانا شۇعىلدانىپ وتىرعان ادامدار. قازىرگى اۋىل حالقىنىڭ كەم دەگەندە 70-80 پايىزىن وسىنداي ادامدار توبى قۇراي­تىندىعى انىق. ايتا كەتۋ كەرەك، وسى ۋاقىتقا دەيىن ادامداردىڭ بۇل توپ­تار­ىنا جەرگىلىكتى بيلىك تاراپىنان جەت­كىلىكتى كوڭىل بولىنبەي كەلدى. بۇل ادامداردىڭ تىرشىلىك كوزدەرىن دامىتۋ ءىسى وسى ۋاقىتقا دەيىن قابىلدانعان اۋىل شارۋاشىلىعى سالاسىنداعى باع­دار­لامالاردان تىسقارى قالىپ وتىردى. نەگە؟ سەبەبى، ءۇي شارۋاشىلىعى نەگى­ز­ىن­دە ۇيىمداسىپ تىرلىك قىلۋدىڭ وزىن­دىك قيىندىقتارى بار ەكەندىگى انىق. ماسەلەن، ولاردىڭ قولدارىنداعى مال­دار­دى سەلەكتسيادان وتكىزۋدىڭ، اسىل­داندىرۋدىڭ قيىندىقتارى جەتىپ ارتىلادى. سونىمەن قاتار، ءاربىر ۇيدەن ءونىم جيناپ ءجۇرۋ دە وڭاي ەمەس. ونىڭ ۇستىندە الەمدىك تاجىريبە بويىنشا كاسىپكەرلىك سۋبەكتىسى رەتىندە ۇيىمداسپاعان جەكە شارۋاشىلىقتىڭ بولاشاعىنان ءۇمىت كۇتۋ دە قيىن. مىنە، وسىنداي سەبەپتەرگە بايلانىستى وسى ۋاقىتقا دەيىن جەكە ءۇي شارۋا­شىلىقتارىنىڭ قولدارىنداعى مالدار كوپتەگەن سۋبسيديا تۇرلەرىنەن قۇ­رال­اقان قالىپ وتىردى. ولاردىڭ قولىنداعى ءونىمدى جيناۋ ماسەلەسىمەن دە ەشكىم شۇعىلدانبادى. ەندى ەلباسى تاپ­سىرماسى ارقىلى مەملەكەت ناق وسى ادامدار توبىنا كوڭىل بولەتىن بولادى. بۇدان بىلايعى كەزەڭدە ولار دا مەم­لەكەتتىك قولداۋعا يە بولا باس­تايدى. ءبىزدىڭ ويىمىزشا ناق وسى شە­شىم ءبىزدىڭ قازاق حالقىنىڭ، جالپى، قازاقستانداعى اۋىل حالقىنىڭ وزىن­دىك ۇلتتىق ەرەكشەلىكتەرىنە ءمان بەر­گەن، سول ەرەكشەلىكتەرگە سايكەس قول­داۋ شارالارىن كورسەتۋدىڭ جولدارىن قاراستىرعان بىردەن-ءبىر ۇتىمدى شەشىم بولىپ وتىر. مۇنىڭ مەملەكەتكە، جالپى ەل ەكونوميكاسىنا بەرەتىن پايداسى دا از بولماس. ويتكەنى، قازىرگى زەرتتەۋلەر مالدىڭ 70-80 پايىزى وسى جەكە شارۋاشىلىقتاردىڭ قولىندا ەكەنىن، دەمەك، بۇل شارۋاشىلىقتاردىڭ قولىندا، ەگەر ۇيىمداستىرا بىلسە، مول ءونىم كوزى بار ەكەندىگىن كورسەتەدى.

سونىمەن، ەلىمىزدەگى ءۇي شارۋا­شى­لىق­­ت­ارىن دامىتۋ ماقساتىندا مەملەكەت العاشقى كەزەكتە قانداي ماسەلەلەرگە ءمان بەرمەك؟ ونىڭ شەت جاعاسىن ءبىز جوعارىدا ايتىپ تا كەتتىك. 670 مىڭ ۇساق ءوندىرۋشىنىڭ تاۋارلى وندىرىسكە قاراي تارتىلاتىندىعىن ايتتىق. اركىم ءوز قولىنداعى ازىن-اۋلاق مالمەن وتىرعاندا ولاردى قالاي ۇيىمداسقان وندىرى­سكە تارتۋعا بولادى؟ مۇنىڭ جولى بەلگىلى. الەمدىك تاجىريبەدەگى مۇ­نىڭ ەڭ ءتيىمدى ءتاسىلى وسىنداي جەكە شارۋا­شىلىقتاردىڭ كووپەراتسياسىن قا­لىپ­تاستىرۋ جانە دامىتۋ بولىپ تابىلادى. مىنە، مەملەكەت وسىنداي كۇردەلى ماسەلەنى شەشۋگە باتىل كىرىسۋدى ءجون كورىپ وتىر. ءبىز ءسوز ەتىپ وتىرعان باعدارلامادا بۇل ماسەلەگە كەڭىنەن ءمان بەرىلگەن. ءتيىستى شارالار قامتىلعان. ەندى وسىلارعا كەلەيىك.

قازىرگى كۇنى مەملەكەت جەكە ءۇي شا­رۋا­­شىلىقتارىنىڭ كووپەراتسياسىن قالىپتاستىرۋ جانە دامىتۋ ماقساتىندا قانات­قاقتى جوبانى قولعا الدى. وسى جوبا بويىنشا كەم دەگەندە 20 ءۇي شارۋا­شى­لىعى باس قوسقان جەردە ولاردىڭ كووپەراتيۆى ۇيىمداستىرىلاتىن بولادى. بۇل كووپەراتيۆتەردەن ءبىرىنشى كەزەك­تە ءسۇت ونىمدەرىن جيناۋدىڭ، سودان كەيىن ەت ونىمدەرىن جيناۋدىڭ ءتيىستى سحە­ما­لارى ازىرلەنۋ ۇستىندە. وسىنى جۇزەگە اسىرۋ ماقساتىندا ءسۇت قابىلداۋ پۋنكتى اشىلىپ، ول ءتيىستى تەحنولوگيالىق قۇرالدارمەن جانە ءسۇتتى تاسىمالدايتىن كولىك تۇرىمەن قامتاماسىز ەتىلەدى. مۇندا ءسۇتتىڭ ساپاسىن جانە كولەمىن انىقتايتىن قۇرالدار بولادى. ءسۇت جينايتىن ادام بەلگىلەنەدى جانە كووپەراتيۆ باسشىسى سايلانادى. بۇل ۇدەرىستەردىڭ ءبارى اۋىل ادامدارىنىڭ قولداۋىمەن ەرىكتى تۇردە جۇرگىزىلەدى. ءبىزدىڭ ويىمىزشا، مۇنداي شارانى ۇيىمداستىرۋدى اۋىل ادامدارى، ياعني جەكە ءۇي شارۋاشىلىعىنىڭ يەلەرى قولداۋى ءتيىس. ويتكەنى، كووپەراتيۆتىڭ ولار­عا بەرەتىن پايداسىنان باسقا زيانى جوق. ولاردىڭ قولىنداعى ونىمدەردى تۇراق­تى تۇردە جيناپ الۋ جانە ولاردى وتكىزۋ ماسەلەسى شەشىلسە، مۇنىڭ ءوزى ءاربىر ءۇي شارۋاشىلىعى يەسىنىڭ تۇراقتى كىرى­سىن ارتتىراتىندىعى انىق. ياعني ول ءوز ۇيىندە وتىرىپ-اق، تۇراقتى جۇمىس تاپقانداي مۇمكىندىككە يە بولادى.

مۇنىڭ سىرتىندا، مەملەكەت وسىنداي ۇيىمداسىپ تىرلىك قۇرىپ، كووپەراتيۆكە بىرىككەندەرگە سول كووپەراتيۆ ارقىلى ءتيىستى سۋبسيديالار بەرە باس­تايدى.

قازىرگى كۇنى مال شارۋاشىلىعىندا سۋبسيديانىڭ 33 ءتۇرى بار. وتكەن 2015 جىلى مەملەكەت وسى سۋبسيديالارعا 69 ميلليارد تەڭگە ءبولدى. ياعني، وسىنشاما كولەمدە تەگىن كومەك كورسەتىلدى.

ەندى جاڭا باعدارلاما اياسىندا وسى سۋبسيديالاردىڭ 34,5 ميلليارد تەڭگەنى قامتيتىن 6 ءتۇرى قايتا قاراستىرىلىپ وتىر. ويتكەنى، بۇل سۋبسيديالاردى بۇرىن تەك ءىرى شارۋاشىلىقتار الىپ كەلگەن بولاتىن. ماسەلەن، ەت باعىتىنداعى سۋب­سيديالاردىڭ 60 پايىزىن 19 ءىرى مال بورداقىلاۋ الاڭى الىپ كەلدى. ءسۇت باعىتىندا دا وسىنداي جاعداي ورىن الدى. بۇل سۋبسيديانى الۋدىڭ ءبىر شارتى ونى الۋشىنىڭ قولىندا كەمىن­دە 400 باس سيىر بولۋ قاجەت ەدى. ەندى وسى تالاپ 100 باس سيىرعا دەيىن تومەن­دەتىلدى. ارينە، اۋىلداعى ءاربىر ءۇي شارۋاشىلىعىندا 100 باس سيىر بولا قويماۋى مۇمكىن. بىراق 20 ادام بىرىگىپ كووپەراتيۆ قۇراتىن بولسا، قول­دا­رىن­داعى مال سانىن وسىنشا باسقا اب­دەن تولتىرا الادى. مىنە، ولار وسىلايشا مەملەكەتتىڭ سۋبسيدياسىنا، ياعني تەگىن قولداۋىنا يە بولماقشى.

سونىمەن قاتار، ەندى كووپەراتيۆكە بىرىككەن ءۇي شارۋاشىلىقتارى وسى ارقىلى ءوز قولدارىنداعى مالدى ءتيىستى ساپالى ازىقپەن قامتۋدا، ولاردى اسىلداندىرۋدا مەملەكەت قولداۋىنا يە بولادى.

جالپى، بۇدان بىلايعى كەزەڭدە بىرىگىپ تىرلىك قۇرامىز دەگەن اۋىلداعى جەكە ءۇي شارۋاشىلىقتارىنا باسقا دا كور­سەتىلەتىن كومەك تۇرلەرى بار. مۇنداي كومەك­تەر تەك ەت پەن ءسۇت باعىتىندا عانا ەمەس، سونىمەن قاتار، الداعى ۋاقىتتا وسىم­دىك شارۋاشىلىعى سالاسىندا دا ۇيىم­داستىرىلاتىن بولادى.

«اتامەكەن» ۇلتتىق كاسىپكەرلەر پالا­تاسىندا وتكەن باسقوسۋدا وعان ونلاين رەجىمىندە قاتىسقان ەل وڭىرلەر­ىندەگى شارۋا قوجالىقتارىنىڭ يەلەرى بۇل ماسەلەگە بارىنشا قولداۋ ءبىل­دىر­دى. سەبەبى، اتالعان ىسكە الداعى ۋاقىت­تا تەك جەكە ءۇي شارۋاشىلىقتارى عانا ەمەس، سونىمەن قاتار، شاعىن شارۋا قوجالىقتارى دا بەلسەندى تۇردە تارتىلماق.

باسقوسۋ سوڭىندا اۋىل شارۋا­شى­لىعى ءمينيسترىنىڭ ورىنباسارى قايرات ايتۋعانوۆ پەن «اتامەكەن» ۇلتتىق كاسىپكەرلەر پالاتاسى باسقارما توراعاسىنىڭ ورىنباسارى نۇرجان التاەۆ جۋرناليستەرمەن جولىعىپ، شاعىن سۇحباتتار بەردى. قايرات ايتۋعانوۆ سۇحبات بارىسىندا اۋىلداعى ءۇي شارۋاشىلىقتارى كووپەراتيۆتەرىن قۇرۋ ءىسى قازىرگى كۇنى قاناتقاقتى جوبا رەت­ىن­دە قاراعاندى وبلىسىنىڭ نۇرا اۋدانىندا قولعا الىنعاندىعىن، سو­لار­دىڭ تاجىريبەسى نەگىزىندە بۇل ءىستى كەڭىنەن ناسيحاتتاۋ قاراستىرى­لىپ جات­قاندىعىن ايتىپ ءوتتى. نۇرجان التاەۆ جاڭا باعدارلامانىڭ ماڭى­زىنا توق­­­تالا كەلە، اگروونەركاسىپ كەشەنى سالا­­سىنداعى مۇنىڭ الدىندا­عى با­ع­­دارلامالار سالالىق دەڭگەيدە بول­سا، بۇل باعدارلامانىڭ مەم­لە­كەت باسشىسىنىڭ تاپسىرماسىنا سايكەس مەملەكەتتىك دەڭگەيگە دەيىن كوتەرىل گەندىگىن، وسىعان وراي ونى جۇزەگە اسىرۋعا تەك ەلىمىزدىڭ اۋىل شارۋاشىلىعى مينيسترلىگى عانا ەمەس، سونىمەن قاتار، باسقا دا مينيسترلىكتەردىڭ، ەكونوميكالىق سالالىق قۇرىلىمداردىڭ قاتىسا­تىن­دى­عىن اتاپ كورسەتتى.

سونىمەن، ءبىز «قازاقستان رەسپۋب­ليكاسىنىڭ اگروونەركاسىپتىك كەشەنىن دامىتۋدىڭ 2017-2021 جىلدارعا ارنالعان مەملەكەتتىك باعدارلاماسىنىڭ تۇجىرىمدامالىق جوباسىن اۋىل حالقى ءۇشىن پايداسى مول جاڭا ءبىر تاريحي شەشىمدى جۇزەگە اسىرۋ قۇرالى رەتىندە قابىلدادىق. ىسكە ءسات دەيمىز ەندەشە.

سۇڭعات ءالىپباي

Abai.kz