بۇگىن الماتىدا قالا اكىمى باۋىرجان بايبەكتىڭ قاتىسۋىمەن قالا قۇرىلىسى كەڭەسىنىڭ وتىرىسى ءوتىپ، وندا شۇعىلا جانە مادەنيەت ىقشام اۋداندارىندا بوي كوتەرەتىن تۇرعىن كەشەندەرىنىڭ كونتسەپتۋالدى جوبالارى بەكىتىلدى.

بوستاندىق اۋدانىنداعى تاجىباەۆ كوشەسىنىڭ بويىندا ءتورتىنشى سىنىپتى 12 قاباتتى 828 پاتەرلى، ەكى بالا باقشاسى مەن ويىن الاڭدارى بار تۇرعىن كەشەنىن سالۋ جوسپارلانعان. يا.گەيلدىڭ كونتسەپتسياسى بويىنشا ۇيدە 890 ورىندى كولىك تۇراعى سالىنادى، سونىڭ ارقاسىندا اۋلادا ەشقانداي اۆتوموبيل بولمايدى. وسى قۇرىلىس قولعا الىنسا 500 جاڭا جۇمىس ورنى اشىلادى، ال كەشەن پايلانۋعا بەرىلگەن كەزدە 171 ادام جۇمىسپەن قامتىلادى.

ەسكيزدى جوباسى قابىلدانعان تاعى ءبىر كەشەن 4 جانە 5 سىنىپتى ۇيلەر، بۇلاردا 910 جانە 4860 پاتەرلەر، 1834 ورىندى كولىك تۇراعى، مەكتەپ، بالا باقشا جانە 15700 شارشى مەترلى الاڭ بولادى.

قالا قۇرىلىسى كەڭەسىنىڭ وتىرىسىندا بەس جوبانىڭ 2-ءى بەكىتىلدى. قالعاندارىندا دامىعان ينفراقۇرىلىم جانە باسقا قاجەتتى الەۋمەتتىك نىساندار قاراستىرىلماعان.

abai.kz