وقو ايماقتىق كوممۋنيكاتسيا قىزمەتىندە وتكەن بريفينگتە «ONTUSTIK»  كاسىپكەرلەرگە قىزمەت كورسەتۋ ورتالىعىنىڭ باس ديرەكتورى ولجاس توعاەۆ  تاۋار وندىرۋشىلەر ۆەب-پورتالىنىڭ  ىسكە قوسىلعانىن مالىمدەدى.                

ونىڭ ايتۋىنشا، وتاندىق تاۋار ءوندىرۋشى كاسىپورىنداردىڭ ونىمدەرىنىڭ وتىمدىلىگىن جوعارىلاتۋ، قولجەتىمدىلىگى مەن سۇرانىستى ارتتىرۋ ماقساتىندا وبلىس اكىمىنىڭ باستاماسىمەن «ONTUSTIK» كاسىپكەرلەرگە قىزمەت كورسەتۋ ورتالىعى بىرەگەي جوبا www.ondiris.kz تاۋار وندىرۋشىلەر ۆەب-پورتالىن ىسكە قوستى.

ONDIRIS.KZ – بۇل مەنشىك نىسانى مەن ءتۇرلى سالالار بويىنشا تاۋار وندىرۋشىلەر جانە كاسىپورىنداردىڭ بازاسىن بىرىكتىرەدى. مۇندا ءاربىر قالاعان كاسىپكەر ايماقتاردى جىكتەۋ ءفيلترى ارقىلى، وزىنە قاجەتىنشە كونتراگەنت تابا الادى: ءونىم بەرۋشى، ساتىپ الۋشى، تۇتىنۋشىلار، كومپانيالار مەن ءتۇرلى سالاداعى فيرمالار.

ۆەب پورتالعا ءوزى تۋرالى مالىمەتتەردى ورنالاستىرۋ كاسىپكەرلەر ءۇشىن تەگىن. قازىرگى تاڭدا پورتالدا وقو بويىنشا نەگىزگى 14 سالالىق باعىتتا 1000-نان اسا وتاندىق تاۋار وندىرۋشىلەردىڭ پروفيلدەرى، 2 مىڭنان استام تاۋارلار ورنالاستىرىلعان. سونداي-اق، نەگىزگى پورتالمەن قاتار، جۋىق ارادا ONDIRIS.KZ موبيلدىك قوسىمشاسى ىسكە قوسىلىپ، جىلىنا ەكى رەت ارنايى ONDIRIS.KZ جۋرنالى باسىلىپ تاراتىلاتىن بولادى. جۋىق ارادا اتالمىش قوسىمشانى سمارتفونعا Android جانە iOS پلاتفورمالارىنان جۇكتەپ الۋعا مۇمكىندىك تۋادى. موبيلدىك قوسىمشا ءوز كەزەگىندە ءاربىر قولدانۋشىعا كەز-كەلگەن ۋاقىتتا جەكە پروفيلدە ىڭعايلى جۇمىس ىستەۋگە سەپتىگىن تيگىزبەك.

Abai.kz