وڭتۇستىك قازاقستان وبلىسى شاردارا اۋدانىندا 12 291,2 گەكتار القاپتان مەجەلەنگەن 33 309 توننانىڭ ورنىنا 33 806 توننا شيتتi ماقتا جينالدى. اۋدان ديقاندارى قاجىرلى ەڭبەكتiڭ، اگروتەحنيكالىق تالاپتارعا ساي ماقتانى كۇتiپ-باپتاۋ شارالارىن ءوز دەڭگەيiندە اتقارعانىنىڭ ناتيجەسiندە گەكتار بەرەكەلiلiگiن 27,5 تسەنتنەردەن اينالدىردى. وسىلايشا شاردارالىق ماقتاشىلار ەل تاۋەلسiزدiگiنiڭ 25 جىلدىعى مەرەكەسiنە ۇلكەن تارتۋ جاساپ وتىر. مول ونiمگە قول جەتكiزۋگە ق.تۇرىسبەكوۆ، كوكسۋ جانە الاتاۋ باتىر اۋىلدىق وكرۋگتەرiنiڭ ماقتاشىلارى وراسان ۇلەستەرiن قوستى.   سونىمەن قاتار، جاۋشىقۇم اۋىلىندا تامشىلاتىپ سۋارۋ ادiسiمەن 240 گەكتارعا ماقتا ەككەن «يiرجار اگرو» جشس-i دە مول ءونiم الدى. سەرiكتەستiك ديقاندارى مەجەلەنگەن 960 توننا شيتتi ماقتانىڭ ورنىنا 1224 توننا ماقتا نەمەسە ءار گەكتاردان ورتاشا 51 تسەنتنەر ونiمگە قول جەتكىزدى.

كوكسۋ اۋىلدىق وكرۋگiندەگi «توقاي» شارۋاشىلىعىنىڭ توراعاسى اسان ادiلبەكوۆ بيىل دا گەكتار تۇسiمدiلiگiن ارتتىرىپ وتىر. شارۋاشىلىق 9,5 گەكتار القاپتىڭ ءار گەكتارىنان 61,4 تسەنتنەردەن ءونiم جينادى. الاتاۋ باتىر اۋىلىنداعى دۇيسەن لەسوۆ باسشىلىق ەتەتiن «راحىمجان» شارۋا قوجالىعى 15 گەكتار ماقتالىقتان 47 تسەنتنەردەن ءونىم السا، جەكەلەگەن ماقتا تەرiمشiلەر دە قالىسپادى. كوكسۋلىق دۇيسەنكۇل سەركەباي جيىن-تەرiم ناۋقانى باستالعالى 20 گەكتار ماقتالىقتىڭ ءار گەكتارىنان 61,2 تسەنتنەردەن ماقتا تەرiپ، قىرمانعا 123 توننا اق ۇلپا وتكiزدi.

قازiردە اۋىلدىق وكرۋگتەردە ماقتا جيناۋ ناۋقانى جالعاسۋدا. شارۋالار القاپتاعى ءونiمدi جاۋىن-شاشىنعا ۇرىندىرماي جيناپ الۋ ءۇشiن ۋاقىتپەن ساناسپاي ەڭبەك ەتۋدە.

شاديار مولدابەك

Abai.kz