وڭتۇستىك قازاقستان وبلىسىنىڭ اكىمى جانسەيىت تۇيمەباەۆ «Golden Camel» كومپانياسىنىڭ قۇرىلتايشىسى يانگ تسيە مىرزانى قابىلدادى.

جىل باسىندا «Golden Camel» جشس-ءنىڭ باستاماسىمەن تۇيە ءسۇتى – شۇباتتى قايتا وڭدەۋدەن وتكىزىپ، ودان قۇرعاق قوسپالار ءوندىرۋ جوباسىنا كىرىسكەن بولاتىن.

كەزدەسۋدە يانگ تسيە مىرزا تۇركىستانداعى يندۋستريالدى ايماقتان بوي كوتەرىپ جاتقان وسىناۋ جوبانىڭ ىسكە اسىرىلۋىن جەدەلدەتۋدى وبلىس اكىمىنەن ءوتىنىپ، وسى كۇنگە دەيىنگى كورسەتىلگەن كومەكتەر مەن قولداۋلار ءۇشىن العىسىن ءبىلدىردى.

ءوز كەزەگىندە، ايماق باسشىسى جوبانىڭ ءوڭىرىمىز ءۇشىن ماڭىزدى ەكەنىن اتاپ ءوتىپ، ءتيىستى سالا باسشىلارىنا ونىڭ اكىمشىلىك كەدەرگىلەرسىز جۇزەگە اسۋىنا بارىنشا اتسالىسۋدى تاپسىردى.

بۇگىندە تۇركىستانداعى يندۋستريالدى ايماقتا شۇباتتى وڭدەپ، ودان قۇرعاق ءسۇت وندىرەتىن كاسىپورىن قۇرىلىسىنىڭ ءبىرىنشى كەزەڭى جۇرۋدە. جوبا ىسكە قوسىلعاندا مۇندا 180 ادام جۇمىسپەن قامتىلاتىن بولادى. تاۋلىگىنە 100 توننا، جىلىنا 69 ملن. توننادان استام تۇيە سۇتىنەن قۇرعاق قوسپالار وندىرۋگە قاۋقارلى زاۋىتتىڭ قۇرىلىس جۇمىستارى 2017 جىلى اياقتالىپ، مۇندا ازىرلەنگەن دايىن ونىمدەر رەسپۋبليكا نارىعىنان بولەك، كەدەن وداعى ەلدەرى مەن قىتايعا ەكسپورتتالماق.   

ەسكە سالايىق، جالپى قۇنى 8 ملرد. تەڭگە بولاتىن اتالعان جوبانى ىسكە قوسۋ تۋرالى مەموراندۋم وسى جىلدىڭ ءساۋىر ايىندا وتكەن «Ontustik Invest-2016» حالىقارالىق ينۆەستيتسيالىق فورۋمى اياسىندا تۇزىلگەن بولاتىن. وندا وسى سىندى جالپى سوماسى 2,5 ملرد. اقش دوللارى بولاتىن جوبالار بويىنشا 40 مەموراندۋمعا قول قويىلعان ەدى.  

Abai.kz