جەكسەنبى, 20 ماۋسىم 2021
ەكونوميكا 3145 0 پىكىر 8 قاراشا, 2016 ساعات 00:00

«Tokyo Rope Almaty» زاۋىتى ىسكە قوسىلدى

ەلباسىمىز نۇرسۇلتان نازارباەۆ جاپونياعا ساپارى بارىسىندا الماتى­داعى جاپوندىق زاۋىتتى قاشىقتان ىسكە قوسۋ تەلەكوپىرىنە قاتىستى. اتاپ وتەتىنى، «Tokyo Rope Almaty» دەپ اتالاتىن زاۋىت – جاپونيادان سىرتتا ورنالاسقان الەمدە تەڭدەسى جوق گابيوندى تور جاسايتىن جالعىز ءوندىرىس وشاعى. ول جوعارىتەحنولوگيالىق تەمىر ارقاندار، كوپىرلەر بۇرامالار، اۆتو­دوڭ­گەلەكتەر مەتاللوكوردتارىن، كۇن ەنەر­گياسىنا ارنالعان سىم تەمىرلەردى جاساۋ­مەن اينالىسادى. سوندىقتان دا ونىڭ ونىمدەرى تۇركياداعى ء«ىzmىt Bay ءBrىdge» جانە ۆەتنامداعى «Nhat Tan ءBrىdge» كوپىرلەرىن، شاڭقاي بۇكىلالەمدىك قارجى ورتالىعىنىڭ زاڭعار عيماراتىن سالۋعا پايدالانىلعان.

اتالعان شارا بارىسىندا الماتىدا جاپونيا ىسكەرلىك ورتالىعىن جانە يندۋس­تريالدىق ايماقتا جاپوندىق يندۋستريال­دى پارك قۇرۋ بويىنشا مەموراندۋمعا قول قويىلدى. اتاپ وتەتىنى، بۇلار الماتى قالا­سىنىڭ ينۆەستيتسيالىق كليماتى مەن يندۋستريانى دامىتۋ بويىنشا تاراپتار ارا­سىنداعى كۇش-جىگەردى بىرىكتىرۋگە ىقپال ەتەدى. وسىعان وراي ەلباسى ن.ءا. نازار­باەۆ­پەن تەلەكوپىر بارىسىندا قالا اكىمى باۋىر­جان بايبەك:

– بۇگىندە مەگاپوليستە ينۆەستورلار ءۇشىن بارلىق قاجەتتى جاعدايلار جاسالۋدا. بيىل ءبىز الاتاۋ اۋدانىنداعى يندۋس­تريال­دى ايماق پەن «الاتاۋ يننوۆاتسيالىق تەحنو­لوگيالىق پاركى» الەۋمەتتىك ەكونومي­كالىق ايماعىنىڭ ەكىنشى كەزەگىن بىتىرەتىن بولامىز. سوسىن، ەكىنشى بەسجىلدىقتا الما­تى يندۋستريالاندىرۋ كارتاسى اياسىن­دا 175 ملرد. تەڭگەگە 80 جوبا جۇزەگە اسى­رىلىپ، 11 مىڭ جاڭا جۇمىس ورنى قۇرىلادى. قازىردىڭ وزىندە 20 كاسىپورىن جۇمىس ىستەپ جاتىر. وسى رەتتە ۇستىمىزدەگى جىلى 10 ترانسۇلتتىق كومپانيا تارتىلدى. مىنە، بۇگىن «Tokyo Rope Almaty» زاۋىتىن ىسكە قوسىپ وتىرمىز. سونداي-اق، ءبىز «Tokyo Rope» كومپانياسىمەن الماتىدا جاپونيا ىسكەرلىك كلۋبىن جانە يندۋستريالدى ايماقتا جاپون يندۋستريالدى پاركىن قۇرۋ تۋرالى مەموراندۋمعا قول قويدىق. قولداعانىڭىز ءۇشىن، راحمەت سىزگە، قۇرمەتتى نۇرسۇلتان ءابىشۇلى، – دەپ اتاپ ءوتتى.

ال ەندى «توكيو روۋپ» كورپوراتسيا­سىنىڭ پرەزيدەنتى حيرواكي ناكامۋرا ءوز سوزىندە «Tokyo Rope Almaty» زاۋىتى الداعى ۋاقىتتا جىلىنا 5 مىڭ تونناداي گابيون تورىن وندىرەتىنىن ايتا كەلىپ، «جوعارى­تەحنولوگيالىق جانە روبوتتاندىرىلعان قۇرالدار جىلىنا 5 مىڭ تونناداي تەمىر ونىمدەرىن وندىرۋگە مۇمكىندىك بەرىپ، ودان ءارى ولار تمد ەلدەرىنە، موڭعولياعا، ساۋد ارابياسىنا، اۋعانستان مەن پاكىستانعا ەكسپورتتالاتىن بولادى. زاۋىت قازىردىڭ وزىندە رەسەي، قىرعىزستان مەن گرۋزيا تاراپىنان الدىن الا جاسالعان العاشقى كەلىسىم-شارتتارعا يە. ويتكەنى، ءبىزدىڭ كوم­پانيا عيماراتتار مەن ينفراقۇ­رىلىمدىق نىسانداردىڭ قاۋىپسىزدىگىن قامتاماسىز ەتۋ ءۇشىن مەتالل جۇيەلەرىن وندىرەتىن زاۋىت سالاتىن عاجايىپ جوبانى جۇزەگە اسىرادى. وسى ينۆەستيتسيانىڭ ءبىرىنشى كەزەڭىندە 10 ملن. اقش دوللارىنا قول جەتكىزىپ، ەكىنشى جانە ءۇشىنشى كەزەڭدەگى 5 جىل ىشىندە ءبىز الما­تىداعى جاپون يندۋستريالدى پاركى ءوندىرىسىن مەتيز ونىمدەرى مەن كەڭ كولەمدەگى تەمىر سىزعىشتار شىعارۋ ءۇشىن 70 ملن. اقش دوللارىنا دەيىنگى ينۆەستيتسيامەن كەڭەي­تۋدى جوسپارلاپ وتىرمىز»، – دەپ اتاپ ءوتتى.

abai.kz

0 پىكىر