دۇيسەنبى, 21 ماۋسىم 2021
ەكونوميكا 2669 0 پىكىر 8 قاراشا, 2016 ساعات 00:00

قازاقستانداعى ەڭ ۇلكەن «KANGO» باتۋتتىق ويىن-ساۋىق پاركى اشىلدى

وتكەن اپتانىڭ سەنبىسىندە الماتى قالاسىنداعى «Almaty MEGA» ساۋدا ويىن-ساۋىق ورتالىعىنىڭ ەكىنشى قاباتىندا قازاقستانداعى ەڭ ۇلكەن «KANGO» دەپ اتالاتىن باتۋتتىق ويىن-ساۋىق پاركى اشىل­دى. وعان بۇل ىسكە جان-جاقتى قولداۋ بىلدىرگەن بوستاندىق اۋدانى اكىمى اپپارا­تىنىڭ قىزمەتكەرلەرى مەن اۋدان جۇرت­شىلىعى قاتىستى.

اتاپ ايتاتىنى، اتالعان پارك ءوز قۇرى­لىمىمەن ەرەكشە. وندا، اسىرەسە،  بالالار­دىڭ قۋانىشتى دەمالىسى ءۇشىن كوپ جاعداي­لار جاسالعان. ماسەلەن، بۇل رەتتە پارك ىشىندە بالالاردىڭ ەركىن سەكىرىپ وينايتىن اۋماعىنا ارنايى ورىن بولىن­گەن. سونداي-اق، ونداعى دودجبول (سىندى­رىپ ويناۋ) ايماعىنىڭ دا، سلەم-دانك (باتۋتتاعى باسكەتبول) ايماعىنىڭ دا، كەدەرگىلەرمەن جۇگىرۋ، قابىرعامەن ءجۇرۋ سەكىلدى كوپتەگەن ويىنداردىڭ دا ءوز قىزىعى وزىنە جەتەدى.

سوسىن، باتۋتتار ويىن-ساۋىق پاركىندە اتتراكتسيونداردان باسقا الداعى ۋاقىتتا كاسىبي ينسترۋكتورلاردىڭ كومەگىمەن باتۋتتاعى فيتنەس، سنوۋبوريستەر مەن شاڭ­عىشىلار ءۇشىن اكروباتيكالىق جانە قارا­­پايىم تريۋكتەر جاساۋ، بالالارعا ار­نال­عان ءتۇرلى باعدارلامالار سەكىلدى توپ­تىق جاتتىعۋلار وتكىزىلىپ تۇراتىن بولادى.

بۇل باتۋتتىق ويىن-ساۋىق پاركىندە الماتى قالاسىنىڭ جاس تۇرعىندارى شەكسىز قۋانىشقا بولەنىپ، ءوز بوس ۋاقىتتارىن قىزىقتى وتكىزەتىن بولادى.

abai.kz

0 پىكىر