بۇل تۋرالى سارىاعاش اۋدانىنىڭ اكىمى قايرات ابدۋاليەۆ وقو ايماقتىق كوممۋنيكاتسيالار قىزمەتىندە وتكەن بريفينگتە حابارلادى. 

سارىاعاش اۋدانىندا جالپى حالىق سانى ەگەمەندىك العان جىلى 201 مىڭ 187 ادام بولسا،  2016 جىلى 323785 ادامعا جەتىپ وتىر. ال اۋداننىڭ  ەكونوميكالىق دامۋىن انىقتايتىن باستى سالا – اۋىل شارۋاشىلىق سالاسىنداعى وندىرىلگەن ءونىمنىڭ كولەمى 1991 جىلى 521,5 ملن. تەڭگە بولسا، 25 جىلدا 125 ەسەگە ءوسىپ، 60 200 ملن. تەڭگەنى قۇراپ وتىر. 

 «تامشىلاتىپ سۋارۋ ءادىسى ارقىلى سۋارۋدىڭ جالپى كولەمى 5035,0 گەكتارعا جەتتى. سارىاعاش اۋدانىندا اۋىز سۋمەن قامتاماسىز ەتۋ ماقساتىندا 1991 جىلى اۋداندا 30 ەلدى مەكەن اۋىز سۋمەن قامتىلعان بولسا، 2016 جىلى 69 ەلدى مەكەنگە اۋىز سۋ كىرگىزىلىپ، 44,8 پايىزعا وسكەن. ال تابيعي گازبەن ەگەمەندىك العان جىلى اۋدانداعى 10 نىسانعا عانا گاز قۇبىرلارى جۇرگىزىلگەن بولسا، بۇگىنگى كۇنى 154 ەلدى مەكەننىڭ ىشىندە تابيعي گازبەن 66 ەلدى مەكەن قامتىلىپ، 42,9 پايىزدى قۇراپ وتىر»، - دەدى ق.ابدۋاليەۆ.

تاۋەلسىزدىك جىلدارىنداعى اۋدان جەتىستىكتەرى بويىنشا وزگە دە سالاعا توقتالعان اۋدان اكىمى، قازىرگى تاڭدا اۋدانداعى ەمدىك ساۋىقتىرۋ ورىندارى شيپاجايلارىنا كەلۋشىلەردىڭ سانى جىل ساناپ ارتىپ، تۋريزم سالاسى 7,3 ەسەگە ارتىپ وتىرعانىندا قوسا ايتتى. 

ءبىلىم بەرۋ سالاسىنا توقتالا كەتەر بولساق، تاۋەلسىزدىكتىڭ العاشقى جىلدارىنان باستاپ، بۇگىنگى كۇنگە دەيىن اۋدان كولەمىندە 54 مەكتەپتىڭ قۇرىلىسى جۇرگىزىلگەن. بۇگىندە اۋداندا 28 مەملەكەتتىك جانە 162 جەكەمەنشىك بالاباقشا ءوز دەڭگەيىندە جۇمىس جاساپ، 2016 جىلعا اۋدان بويىنشا بالالاردى بالاباقشامەن قامتۋ 83,4 % قۇراپ وتىر.

سونداي-اق، كاسىپكەرلىك، قۇرىلىس، مادەنيەت، الەۋمەتتىك جانە دەنساۋلىق سەكىلدى وزگە دە سالالاردا جەتكەن جەتىستىكتەرى بويىنشا بايانداعان اۋدان اكىمى الداعى ۋاقىتتا دا جۇمىستاردىڭ ءوز دەڭگەيىندە العا جالعاساتىندىعىن جەتكىزدى.

اباي اقپارات