گەرمانيا كانتسلەرى انگەلا مەركەل سءارسەنبى كءۇءنى سيريالىق ءۇكىمەت ءاسكەرىن "ادامزاتقا قارسى قىلمىس" جاساعانى ءۇءشىن ايىپتاپ, ونى جازاسىز قالدىرۋعا بولمايدى دەپ مءالىمدەدى.

ونىڭ ايتۋىنشا، كاسسەتالىق جانە ورتەگىش بومبا، سونداي-اق حيميالىق قارۋ قولدانۋدى كەشىرۋگە بولمايدى. بۇل تۋرالى مەركەل بەرليندە بەيبىتشىلىك سىيلىعىن الۋ كەزىندە مالىمدەدى.

"تۇرعىندار اشىعىپ جاتىر، مەديتسينالىق مەكەمەلەر شابۋىلعا ۇشىرادى، دارىگەرلەر قازا بولدى، ال اۋرۋحانالار قيرادى", - دەدى ول. ء"تىپتى بىرىككەن ۇلتتار ۇيىمىنىڭ كومەك كورسەتۋشىلەرى دە بومبالاۋعا ۇشىراۋى مۇمكىن".

"بۇنىڭ بارلىعى ادامزاتقا قارسى جاسالعان قىلمىستار. ءبىز بۇنى كوزدەن تاسا قىلماۋىمىز كەرەك", - دەدى مەركەل.

ادام قۇقىعىن قورعاۋشى ۇيىمدار جانە باتىس ەلدەرى بۇعان دەيىن رەسەيدىڭ اۋە كۇشتەرىنىڭ قولداۋىنا يە سيريا اسكەرىن اۋرۋحانالارعا، ناۋبايحانالارعا جانە باسقا دا قوعامدىق ورىندارعا ادەيى اۋە شابۋىلىن جاساعانى ءۇشىن ايىپتاعان بولاتىن.

Abai.kz