بىشكەكتە شىۇ ەلدەرىنىڭ ۇكىمەت باسشىلارى جينالدى
رەسەي، قازاقستان، قىتاي، تاجىكستان جانە وزبەكستاننىڭ ۆيتسە-پرەمەرى شانحاي ىنتىماقتاستىعى ۇيىمىنا مۇشە ەلدەر ۇكىمەت باسشىلارىنىڭ 15-ءشى كەڭەسىنە قاتىسۋ ءۇشىن بىشكەككە كەلدى. كەڭەس بۇگىن قىرعىزستاننىڭ توراعالىق ەتۋىمەن وتەدى.
سارسەنبى كۇنى قىرعىزستانعا رەسەي پرەمەر-ءمينيسترى دميتري مەدۆەدەۆ باستاعان دەلەگاتسيا كەلدى.
ونىڭ الدىندا بىشكەككە وزبەكستاننىڭ پرەمەر-ءمينيسترىنىڭ ءبىرىنشى ورىنباسارى رۋستام ازيموۆ، قازاقستاننىڭ ۇكىمەت باسشىسى باقىتجان ساعىنتاەۆ، قىتايدىڭ مەملەكەتتىك كەڭەسىنىڭ پرەمەرى لي كەتسيان جانە تاجىكستاننىڭ پرەمەر-ءمينيسترى كوحير راسۋلزادە كەلدى.
شانحاي ىنتىماقتاستىق ۇيىمىنا قىرعىزستان، قازاقستان، رەسەي، تاجىكستان، وزبەكستان، قىتاي ەلدەرى مۇشە.
Abai.kz
