بۇگىن وبلىس اكىمى ج.تۇيمەباەۆ وقو تجد «جەدەل قۇتقارۋ جاساعى» مەملەكەتتىك مەكەمەسىنىڭ قۇتقارۋ بولىمشەسىنىڭ باس قۇتقارۋشىسى بولعان جومارت سارسەنبەكوۆتىڭ وتباسىنا جاڭا ءۇيدىڭ كىلتىن تابىستادى.

مارقۇمنىڭ شاڭىراعىندا بولعان كەزدەسۋدە ايماق باسشىسى توتەنشە جاعداي قىزمەتكەرىنىڭ بۇل ارەكەتىن ەرلىككە بالاپ، جاڭا ۇيگە كورىمدىك رەتىندە تۇرمىستىق تەحنيكالار سىيلادى. ج.قانسەيىتۇلى ج.سارسەنبەكوۆتىڭ ارتىندا قالعان جۇبايى ۇلجانعا ەندىگى كەزەكتە بەكەم بولىپ، ۇل-قىزدارىن جەتىلدىرۋدە قايسار دا قايراتتى بولۋى قاجەتتىگىن جەتكىزدى.

كاسىپكەر دەمەۋشىلەر مەن توتەنشە جاعداي قىزمەتكەرلەرى سىندى قايىرىمدى ازاماتتاردىڭ اتسالىسۋىمەن تۇرعىزىلعان ءۇي بەس بولمەلى. قابىرعالارى كۇيگەن كىرپىشتەن تۇرعىزىلىپ، ەسىك، تەرەزەلەرى ساپالى ماتەريالداردان جاسالعان باسپانانىڭ شاتىرى چەرەپيتسامەن جابىلعان. سونداي-اق، وندا دەربەس جىلىتۋ قازاندىعى ورناتىلعان جانە ىستىق سۋمەن جابدىقتالعان. جالپى قۇنى 11 ملن. تەڭگە بولاتىن ءۇيدىڭ قۇرىلىس جۇمىستارىنا 2,5 اي (15 تامىز-30 قازان) ۋاقىت كەتىپتى.

ەسكە سالايىق، وسى جىلدىڭ 30 مامىرىندا تولەبي اۋدانىنىڭ سايرام-وگەم تاۋ جوتاسىنداعى «اقمەشىت» تاۋ شاتقالىندا وقو توتەنشە جاعدايلار دەپارتامەنتىنىڭ باس قۇتقارۋشىسى بولعان جەرلەسىمىز - سارسەنبەكوۆ جومارت ورىنباسارۇلى قۇتقارۋ جۇمىستارىن جۇرگىزۋ بارىسىندا بيىكتىگى 100 م  شاماسىنداعى جارتاستى تىك جاردان قۇلاپ كەتىپ، مەرت بولعان بولاتىن.

سايرام اۋدانى، قۇتارىس اۋىلىندا 1973 جىلى دۇنيەگە كەلگەن مارقۇمنىڭ ارتىندا جۇبايى مەن 5 ۇل-قىزى قالدى.

Abai.kz