تاربيەنىڭ سان الۋان ماسەلەلەرىن شەشەتىن، قاراپايىم داعدىلاردى بالا ساناسىنا ۇيالاتاتىن العاشقى ءبىلىم باسپالداعى بالاباقشا ەكەنى بارلىعىمىزعا ءمالىم.  مەكتەپ جاسىنا دەيىنگى مەكەمەلەردەگى بالانىڭ جەكە باسىن دامىتۋ، سالاۋاتتى ءومىر سالتىن ساقتاۋ، قورشاعان ورتامەن تانىستىرۋ، ادامگەرشىلىك، رۋحاني قاسيەتتەرىن قالىپتاستىرۋ بالاباقشانىڭ وقۋ-تاربيە ءىسىنىڭ باستى ماقساتى.

وسى ورايدا قازاقستان رەسپۋبليكاسى تاۋەلسىزدىگىنىڭ 25 جىلدىعى مەرەيتويى قارساڭىندا قالالىق مادەنيەت ءۇيىنىڭ ۇيىمداستىرۋىمەن بالاباقشا مەكەمەلەرىنىڭ تاربيەلەنۋشىلەرى اراسىندا «بولاشاقتىڭ نەگىزى-تاربيەنىڭ باستاۋى» اتتى سايىس ءوتتى.

سايىستى وتكىزۋدەگى ماقسات — اتا-انالاردىڭ مەكتەپكە دەيىنگى مەكەمەلەرمەن اراداعى بايلانىسىن نىعايتۋ، وتانىن، حالقىن، انا ءتىلىن جۇرەگىمەن سۇيۋگە، ۇلكەندى قۇرمەتتەپ، كىشىگە ىزەتتى بولۋعا، ۇلتتىق ءداستۇر، ادەت-عۇرىپ، ونەرىمىز بەن زەردەلىلىگىمىزدى، بىلىكتىلىگىمىزدى بۇلدىرشىندەرمەن بىرگە بارىنشا ۇعىنا ءتۇسۋ، بەيبىت ءومىردىڭ بالاپاندارىنا قىزىقتى بالالىق شاق سىيلاۋ.

اتالعان بايقاۋعا قاتىسقان 14 ءبۇلدىرشىن سايىس كەزەڭدەرى بويىنشا وزدەرىنىڭ ونەرلەرىن كورسەتىپ، ادىلقازىلار القاسىنىڭ شەشىمىمەن جۇزدەن جۇيرىك، مىڭنان تۇلپار دەگەن بوبەكجايلار جەڭىمپاز اتاندى.

اتاپ ايتقاندا، «باس جۇلدە» - №11 «ارىس» بالباقشاسى،

ەكى ءى-ورىن – «التىن بالاپان» جانە «بال الەمى» بالباقشاسى،

ەكى ءىى-ورىن – «نۇراي» مەن «زەينە انا» بالاباقشاسى،

ءۇش ءىىى ورىن – «بالاۋسا»، «اسىل-اي» مەن «سارسەنكۇل انا» بالاباقشالارى يەمدەنىپ، سايىسقا قاتىسۋشىلار ۇيىمداستىرۋ القاسى تاراپىنان ەستەلىك سىيلىقتارمەن ماراپاتتالدى.

اياعىنان قاز باسقان بار بالانى ءبىر ورتاعا توپتاستىرىپ، كۇنى بويىنا باعىپ كۇتۋ، ويناتۋ، تاماقتاندىرۋ، وقىتۋ، تاربيەلەۋ سەكىلدى جۇمىستاردى وزدەرىنە جۇكتەلگەن ابىرويلى مىندەتتەر اتقارىپ جۇرگەن بالاباقشا قىزمەتكەرلەرىنە اتا-انالار ريزاشىلىقتارىن ءبىلدىردى.

Abai.kz