قازاقستان رەسەيدەن كەلەتىن ەتكە ەسىگىن جاپتى
ورىس مالىنا اۋسىل ءتيىپ جاتقانىن ەستىگەن قازاقستان رف-دان تاسىمالداناتىن ەت ونىمدەرىن ساتىپ الۋدى توقتاتتى. رەسەيدىڭ "ەتىنە" قازاقتىڭ ەسىك جاپقانىن بۇگىن قر اۋىلشارۋاشىلىعى مينيسترلىگى مالىمدەپ وتىر.
"اۋىلشارۋاشىلىعى مينيسترلىگى مالدارىگەرلىك باقىلاۋ جانە قاداعالاۋ كوميتەتى 25 قازاننان باستاپ رەسەيدەن كەلەتىن سيىر، قوي، شوشقا ەتىنە جانە ءسۇت ونىمدەرىنىڭ ەل اۋماعىندا تارالۋىنا تيىم سالدى" دەيدى رەسمي اقپارات.
ەستەرىڭىزگە سالا كەتەيىك، قازاقستان رف-مەن كەدەندىك جانە ەۋرازيالىق ەكونوميكالىق وداق اياسىندا قارىم-قاتىناس جاساپ كەلە جاتىر. وسى ۋاقىتقا دەيىن رف تاراپىنان قازاقستاننان ەكسپورتتالاتىن جەمىس-جيدەك پەن مال ەتىنە قاتارىنان بىرنەشە رەت تيىم سالىنعان بولاتىن. ال، قازاقستان بۇنداي قادامعا ءبىرىنشى رەت بارىپ وتىر.
Abai.kz
