دۇيسەنبى, 16 قىركۇيەك 2019
كاسىپ-ءتۇبى ءناسىپ 2321 0 پىكىر 13 قازان, 2016 ساعات 09:12

كەدەندەگى وزگەرىستەر قىزمەت ساپاسىن جاقسارتپاق

استانادا «Continental Logistics» كولىكتىك-لوگيستيكالىق ورتالىعى بازاسىندا كەدەندىك راسىمدەۋ ورتالىعى اشىلدى. وندا ىشكى ەكونوميكا قاتىسۋشىلارى دۇنيەجۇزىلىك ساۋدا ۇيىمى ستاندارتتارى بويىنشا كەشەندى قىزمەت كورسەتەدى. 

قازاقستاندا ىشكى ەكونوميكا قاتىسۋشىلارى ءۇشىن كەدەندىك باسقارۋدى جەڭىلدەتۋ بويىنشا ءتۇرلى شارالار قولعا الىنا باستادى. وسى ماقساتپەن مەملەكەت ءبىراز ۋاقىت بۇرىن دۇنيەجۇزىلىك ساۋدا ۇيىمى بەكىتكەن مارراكەش كەلىسىمىنە قوسىلۋ حاتتاماسى اياسىندا ساۋدا پروتسەدۋرالارىن جەڭىلدەتۋ كەلىسىمىن ماقۇلداعان بولاتىن. اتالعان حالىقارالىق مىندەتتەر وتاندىق ەكسپورتتاۋشىلار مەن يمپورتتاۋشىلاردى كەدەندىك قىزمەت كورسەتۋدىڭ جاڭا ستاندارتتارىنا ءوتۋدى مىندەتتەيدى.

سونىمەن قاتار، پرەمەر-ءمينيستردىڭ ۇكىمىمەن 2016 جىلدىڭ 30 ساۋىرىندە كەدەندىك باقىلاۋدى جەڭىلدەتۋ بويىنشا ءىس-شارالار جوسپارى بەكىتىلگەن.  قۇجات مەملەكەتتىك ورگانداردىڭ  اقپاراتتىق جۇيەسىن ىقپالداستىرۋدى، ء«بىر تەرەزە» تەتىگىن ەنگىزۋدى، كەدەندىك راسىمدەۋ ورتالىقتارىندا باقىلاۋ ورگاندارىن مىندەتتى تۇردە  ورنالاستىرۋدى قاراستىرادى.  مۇددەلى مەملەكەتتىك ورگاندار وتىنىشىمەن «اتامەكەن» ۇلتتىق كاسىپكەرلەر پالاتاسىنىڭ ساراپشىلارى بيزنەستەن ءجيى كەلىپ تۇسەتىن شاعىمداردى ەسكەرە كەلە، كەدەندىك باقىلاۋدى جەڭىلدەتۋ ماقساتىندا ۇسىنىستار پاكەتىن ازىرلەگەن ەدى.

 ۇكىمەت جوسپارى اياسىندا، بىرىڭعاي تالاپتار بويىنشا مەملەكەتتىك باقىلاۋدىڭ بارلىق ءتۇرىن جۇزەگە اسىراتىن كەدەندىك راسىمدەۋ ايماقتارىن سالۋ قاراستىرىلعان.  وسىلايشا، پيلوتتىق جوبا رەتىندە استانادا «Continental Logistics» كولىكتىك-لوگيستيكالىق ورتالىعى بازاسىندا كەدەندىك راسىمدەۋ ورتالىعى اشىلدى.  وندا ىشكى ەكونوميكا قاتىسۋشىلارى دۇنيەجۇزىلىك ساۋدا ۇيىمى ستاندارتتارى بويىنشا كەشەندى قىزمەت كورسەتەدى. 

«اتامەكەن» ۇكپ قر كەدەن دەلدالدارى قاۋىمداستىعىمەن بىرگە استاناداعى كەدەندىك راسىمدەۋ ورتالىعى قىزمەتىن تۇتىنۋشىلار اراسىندا ساۋالناما جۇرگىزگەن بولاتىن. ماقسات – ولاردىڭ قىزمەت ساپاسىن باقىلاۋ.  ساۋالناما 2016 جىلدىڭ 12 تامىزى مەن 8 قىركۇيەگى اراسىندا وتكىزىلدى. وعان دەكلارانتتار (14,0%), اتالعان ورتالىق قىزمەتى اۋماعىندا كەدەندىك تازارتۋ جۇرگىزەتىن كەدەن وكىلدەرى (86,0%) قاتىستى. بارلىعى 136  جاۋاپ الىندى. ولاردىڭ 83,8%-ى، ياعني 114 رەسپوندەنت تولىق كولەمدە جاۋاپ بەردى»، – دەپ اتاپ ءوتتى ۇلتتىق پالاتا باسقارما توراعاسىنىڭ ورىنباسارى دانا ءجۇنىسوۆا.

وسىلايشا، رەسپوندەنتتەردىڭ 71,1%-ى كەدەندىك راسىمدەۋدەگى وزگەرىستەر كەدەندىك قىزمەتپەن قارىم-قاتىناستى قيىنداتقانىن جەتكىزگەن.

ال، رەسپوندەنتتەردىڭ 93,4%-ى مەملەكەتتىك باقىلاۋدى جۇرگىزۋ بەكىتىلگەن رەگلامەنتكە ساي كەلمەيتىنىن ايتقان. بۇدان بولەك،  «اتامەكەن» وتىنىشىمەن، رەسپوندەنتتەر مەملەكەتتىك باقىلاۋشى ورگاندار قىزمەتكەرلەرىنىڭ جۇمىسىن 10 بالدىق شكالا بويىنشا باعالاعان.  ناتيجەسىندە، كەدەندىك باقىلاۋ قىزمەتىنىڭ قىزمەتكەرلەرىن كاسىپكەرلەر مەن كەدەن وكىلدەرى 3 بالعا باعالاعان. ال، كارانتين، سانيتارلىق قىزمەت وكىلدەرىنىڭ جۇمىسى 2 بالعا باعالانعان.

«اتامەكەن» قر ۇكپ كەدەندىك قىزمەت ساپاسىنا جۇيەلى نەگىزدە باقىلاۋ جۇرگىزبەك. جۇمىستىڭ جاڭا سيپاتى، ونىڭ ىشىندە وسى سەكىلدى ساۋالنامالار قازاقستاننىڭ كەدەندىك قىزمەتىن جەتىلدىرۋگە جانە مەملەكەت باسشىسىنىڭ تاپسىرمالارىنا سايكەس ەلدەگى بيزنەس-احۋالدى جاقسارتۋعا ىقپال ەتەتىنىنە سەنىمدىمىز»، – دەدى دانا ءجۇنىسوۆا.  

Abai.kz

0 پىكىر