بىلتىر وبلىسىمىزدا 345 ملرد. تەڭگەنىڭ اۋىل شارۋاشىلىعى ءونىمى وندىرىلسە، بيىل 500 ملرد. تەڭگەدەن استام قاراجاتتىڭ ءونىمى ءوندىرىلدى، - دەپ حابارلايدى اباي-اقپارات وقو اكىمدىگىنىڭ ءباسپاسوز قىزمەتىنە سىلتەمە جاساپ.

بۇگىندە وڭتۇستىك اۋىل شارۋاشىلىعىندا تولاعاي تابىستارعا جەتتى.

بيىل وڭىرىمىزدەگى شارۋالار مول تابىسقا كەنەلدى. جىلىجاي ونىمدەرى ءوز الدىنا، قىرداعى بيداي بىتىك شىعىپ، شالعىن ءشوپ تە بەلۋاردان بولدى. بىلتىر وبلىسىمىزدا 345 ملرد. تەڭگەنىڭ اۋىل شارۋاشىلىعى ءونىمى وندىرىلسە، بيىل 500 ملرد. تەڭگەدەن استام قاراجاتتىڭ ءونىمى ءوندىرىلدى. بۇل اقجولتاي جاڭالىقپەن وبلىس اكىمىنىڭ اپپاراتى حابارلادى. 

اعىمداعى جىلدىڭ 5 ايىندا شارۋالار وندىرگەن ءونىم 100 ملرد-قا جاقىندادى. بۇل كورسەتكىش 2015-ءشى جىلدىڭ ءتيىستى كەزەڭىمەن سالىستىرعاندا، 25 ملرد. تەڭگەگە ارتىپ وتىر. ال، 195 مىڭ گەكتارعا سەبىلگەن ماساقتى داقىلدار ءونىمى  ورتاشا 22 تسەنتنەردەن ءتۇسىپ، شامامەن 430 مىڭ توننا استىق قامباعا قۇيىلدى. 

وبلىس اكىمىنىڭ ورىنباسارى ءباسپاسوز بريفينگى وتكىزىپ، شارۋالاردىڭ ەڭبەگىن ەش كەتىرگەن شەگىرتكە داۋىنا دا توقتالىپ وتكەن بولاتىن. شىعىنعا ۇشىراعان ديحانداردىڭ ەڭبەگى ەسكەرۋسىز قالمايتىنى، قولدان كەلگەن كومەكتىڭ بەرىلەتىنى ءسوز بولعان-دى. بىلتىر تولىق يگەرىلمەي قالعان جەڭىلدەتىلگەن جانار-جاعارماي دا بيىل ماقساتتى پايدالانىلىپ وتىر. ال، باقشا ونىمدەرى بويىنشا جەتىستىك جىلداعىدان جوعارى.  

اباي-اقپارات