جىلدىڭ قورىتىندى ەسەپتەرىن تىلگە تيەك ەتكەن ءوڭىر باسشىسى اۋداننىڭ الەۋمەتتىك-ەكونوميكالىق دامۋ جاعدايىنا توقتالىپ، تاۋەلسىزدىك جىلدارى جەتكەن جەتىستىكتەر تۋرالى باياندادى.

2016 جىلى اۋدانداعى 20 ينۆەستيتسيالىق جوباعا بيۋدجەت ەسەبىنەن 3 ملرد 961 ملن.تەڭگە ءبولىنىپتى. بيىلدىڭ وزىندە وڭىرگە تارتىلعان ينۆەستيتسيا كولەمى 7 ملرد. 177 ملن. 400 مىڭ تەڭگەنى قۇراپ وتىر ەكەن. ونىڭ ىشىندە رەسپۋبليكالىق بيۋدجەتتەن 1 ملرد. 515 ملن. 100 مىڭ تەڭگە، جەرگىلىكتى بيۋدجەتتەن 2 ملرد. 365 ملن. 600 مىڭ تەڭگە، مەنشىكتى قاراجات ەسەبىنەن 2 ملرد. 353 ملن. 100 مىڭ تەڭگە، باسقادا قارىز قاراجاتتار ەسەبىنەن 837 ملن. 200 مىڭ تەڭگە.

اۋدان ەكونوميكاسىنىڭ نەگىزگى سالالارىنىڭ ءبىرى – اۋىلشارۋاشىلىعى. 2016 جىلدىڭ قاڭتار-قازان ايلارىندا اۋىل شارۋاشىلىق سالاسىندا 26 ملرد. 870 ملن. 900 تەڭگەنىڭ ءونىمى ءوندىرىلىپتى. سونداي-اق 31 مىڭ 130 گەكتار سۋارمالى جەر يگەرىلگەن.

جىل باسىنان بەرى اۋداندا 7,18 گەكتار جىلىجاي سالىنىپ، 688 گەكتارعا تامشىلاتىپ سۋعارۋ ءادىسى ەنگىزىلىپتى.

«سىباعا» باعدارلاماسىمەن 1388 ءىرى قارا مال، «التىن اسىق» باعدارلاماسىمەن 4413 قوي، «قۇلان» باعدارلاماسى بويىنشا 741 اسىل تۇقىمدى جىلقى ساتىپ الىنىپتى. 
2016 جىلى اۋداندا 17 مىڭ 195 توننا مال مەن قۇس ەتى وندىرىلسە، ءسۇتتىڭ كولەمى 32 مىڭ 441 تونناعا جەتكەن.

ورداباسى اۋدانىندا سوڭعى 16 جىلدا ءىرى قارا مال باسى دا ارتىپ وتىر ەكەن. ءىرى قارا مال باسى 20 مىڭ 700-دەن 55 مىڭ 340-قا، ۋاق مال 78 900-دەن 295 مىڭ 237-گە، جىلقى سانى 4 مىڭ 900-دەن 19 مىڭ 162-گە، تۇيە سانى 100-دەن 494-كە كوبەيگەن. قۇستاردىڭ سانى 199 772-دەن 612 320-عا ارتىپتى. جالپى بيىل اۋداندا 5 833 000 مىڭ تەڭگەنىڭ اۋىلشارۋاشىلىق ءونىمى ءوندىرىلىپتى.

اۋدان اكىمى جەرگىلىكتى بيۋدجەتتىڭ جالپى كىرىسى 381 ملن. 264 مىڭ تەڭگەنى قۇراعانىن تىلگە تيەك ەتتى. سونداي-اق جۇمىسسىزداردىڭ سانى 2600-گە ازايعان.

بۇگىندە ورداباسى اۋدانىندا شاعىن جانە ورتا كاسىپكەرلىكپەن اينالىساتىن 9538 كاسىپورىن جۇمىس ىستەيدى ەكەن. مۇندا 20 مىڭ 657 ادام جۇمىسپەن قامتىلىپتى. 
2016 جىلدىڭ قاڭتار-قازان ايىندا شاعىن جانە ورتا بيزنەس سۋبەكتىلەرىمەن وندىرىلگەن ءونىم كولەمى 37 ملرد. 938 ملن. 300 مىڭ تەڭگەگە جەتىپ وتىر. ودان تۇسكەن سالىق كولەمى 569 ملن. 100 مىڭ تەڭگەنى قۇراپتى.

اباي اقپارات