وڭتۇستىك قازاقستان وبلىسى ەلدى مەكەندەرىندە جول سالۋ قارقىندى جۇرگىزىلىپ كەلەدى. ماسەلەن، وتكەن جىلى 1 ملرد 200 ملن تەڭگە ءبولى­نىپ، دوستىق، دوستىق-2, تاسساي، تاسكەن شاعىناۋداندارى مەن مارتوبە، سايرام ەلدىمەكەندەرىندەگى 32 كوشە اسفالتتاندىرىلدى، - دەپ حابارلايدى اباي-اقپارات.

"اۋداندا 963 جول بار بولسا، سونىڭ 356 شاقىرىمىنا اسفالت توسەلگەن. 640 شاقى­رىمى تاس جول. ال 58 شاقىرىمى توپىراق كوشەلەر. وتكەن جىلى 1 ملرد 200 ملن تەڭگە ءبولى­نىپ، دوستىق، دوستىق-2, تاسساي، تاسكەن شاعىناۋداندارى مەن مارتوبە، سايرام ەلدىمەكەندەرىندەگى 32 كوشە اسفالتتاندىرىلدى. بيىل بيۋدجەتتەن 40 كوشەگە جول سالۋعا قاراجات قاراستىلىپ وتىر. سونداي-اق، 8 ەلدىمەكەندەگى الەۋمەتتىك نىسانداردىڭ الدىنداعى 10 شاقىرىمداي اياقجولدار سالىناتىن بولادى.
بۇدان بولەك، اۋدان اۋماعىندا كارەرلەر بار. سوندا تاس تاسيتىن كومپانيالارمەن مەمو­راندۋمعا تۇرىپ، ولار كومەك رەتىندە توپىراق جولدارعا تاس توسەۋدە. بۇگىندە 12 شاقىرىمداعى 19 كوشەگە شاعال تاس تاسىلدى" - دەيدى قاراتاۋ اۋدانىنىڭ اكىمى عالىم ىبىرايۋلى.

سونداي-اق اكىم تاسكەن ەلدىمەكەنىندە كارەرلەر جايىن دا الداعى ۋاقىتتا شەشەتىنىن ايتقان. تاسكەننىڭ كارەرگە جاقىن ماڭداعى ورنالاسقان ۇيلەردەن شاعىم تۇسكەنىن ايتۋىپ. "بارىپ قاراساق، تاس العان جەرلەردە ۇلكەن جارىقتار پايدا بولىپ، سەگىز مەترگە دەيىن جەتىپتى. ەگەر ۇيدەن شىققان بالا سول جەرگە بارىپ ويناسا، سۋعا اعىپ كەتەدى. الايدا، ول كومپانيالارعا زاڭدى قۇجات بەرىلىپ قويعان ەكەن. سودان ءبىز كومپانيا قوجايىندارىن شاقىرىپ، سول جارىقتار جانىن قورشاۋ سالاسىزدار، دەپ ەسكەرتتىك. قازىر جارىقتاردىڭ جانىنان شلاكوبلوكتان قورعان سالىپ جاتىر" - دەدى.

اباي-اپارات