وڭتۇستىك قازاقستان وبلىسىنىڭ كەيبىر اۋداندارىندا تىركەلگەن تەرى لەيشمانيوزى دەرتى ادامنان ادامعا جۇقپايدى. بۇل تۋرالى ايماقتىق كوممۋنيكاتسيالار قىزمەتىندە وتكەن دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى روزا جاۋكىموۆا مالىمدەدى. ونىمەن بىرگە وقو تۇتىنۋشىلاردىڭ قۇقىقتارىن قورعاۋ دەپارتامەنتىنىڭ ينفەكتسيالىق جانە پارازيتارلىق ەپيدەميالىق قاداعالاۋ ءبولىمى باسشىسى قارلىعاش تولەنديەۆا مەن وبلىستىق تەرىۆەنەرولوگيالىق ديسپانسەرى باس دارىگەرىنىڭ ورىنباسارى، دەنساۋلىق ساقتاۋ باسقارماسىنىڭ شتاتتان تىس باس دەرموتولوگى جادىرا بۋدەسوۆا دا جۋرناليستەردىڭ ساۋالدارىنا جاۋاپ بەردى.

بريفينگ سپيكەرلەرىنىڭ ايتۋىنشا، بۇگىنگى تاڭدا اتالعان مەملەكەتتىك مەكەمەلەردىڭ ماماندارى جەرگىلىكتى اكىمدىك قىزمەتكەرلەرىمەن بىرلەسىپ، وتىرار اۋدانىندا ءتيىستى جۇمىستاردى جۇرگىزۋدە. وبلىستىق تەرىۆەنەرولوگيالىق ديسپانسەرىنىڭ ماماندارى اۋلا ارالاپ، تۇرعىندارعا ادىستەمەلىك كومەكتەرىن كورسەتۋدە. 

«سىرداريا وزەنىنىڭ سول جاعالاۋىنداعى وتىرار، شاردارا  اۋداندارى مەن ارىس قالاسى لەيشمانيوز وشاعى بولىپ تابىلادى. اتالعان اۋرۋدىڭ ورشۋىنە ينفەكتسيانىڭ نەگىزگى رەزەرۆۋارى جانە شىعۋ كوزى – ۇلكەن-ۇلكەن قۇمتىشقاندار قاپتاپ كەتكەن. قوزدىرعىشتاردى تاسىمالداۋشى ۇندەمەستەر كەمىرگىشتەردىڭ قانىن سورعاننان كەيىن 6-8 كۇن وتكەندە جۇقتىرعىشقا اينالادى. ينفەكتسيالانعان ۇندەمەس شاققاننان كەيىن اۋرۋ ادامعا وتەدى. اۋرۋدىڭ جاسىرىن كەزەڭى 2 اپتادان 4 ايعا دەيىن سوزىلادى، كۇز، قىس ايلارىندا ۇزاق ۋاقىت جازىلا قويمايتىن، ورنىندا تىرتىق قالدىراتىن جارالار پايدا بولادى. لەيشمانيوزدى ەمدەۋ سيمپتوماتيكالىق، انتيسەپتيكالىق، انتيباكتەريالىق جانە رەپوراتسيالاۋشى سىرتقا قولدانىلاتىن دارىلەرمەن جۇزەگە اسىرىلادى»، - دەدى ر.جاۋكىموۆا.

2016 جىلدىڭ 22 جەلتوقسانىنا دەيىنگى جاعداي بويىنشا وبلىستا بارلىعى 124 ناۋقاس تىركەلگەن. ناۋقاستانعاندار سانىنىڭ بيىلعى 11 ايداعى كورسەتكىشى 53-تەن 124-گە دەيىن ەندەميالىق ءۇش اۋدان ەسەبىنەن كوبەيگەن. تىركەۋگە الىنعانداردىڭ كوبىسى ۋاقىتىلى مەديتسينالىق كومەككە جۇگىنبەگەن جاندار ەكەن. ولاردى ارنايى توپ اۋىلدار مەن اۋلالاردى ارالاۋ بارىسىندا انىقتاعان.   

وتىرار اۋدانىندا حالىق دەنساۋلىعىن قورعاۋ ماسەلەلەرى جونىندەگى ۇيلەستىرۋ كەڭەسىنىڭ ءماجىلىسى وتكىزىلىپ، لەيشمانيوزدىڭ الدىن الۋ جانە ەمدەۋ بويىنشا حالىق اراسىندا ءتۇسىندىرۋ جۇمىستارىن جۇرگىزۋ، دارىلەۋ ءۇشىن بيۋدجەتتەن قاراجات ءبولۋ ۋاقتىلى جانە ساپالى مەديتسينالىق كومەك كورسەتۋ، اۋلا ارالاۋ جۇمىستارىن جۇرگىزۋ تۋرالى شەشىم قابىلداندى.

باستىسى – تەرى لەيشمانيوزى جازىلاتىن دەرت.

اباي-اقپارات