وڭتۇستىك قازاقستان وبلىسىنداعى «اتامەكەن كورپوراتسياسى» جشس-ءى  اۋىلداعى بىرقاتار يگى ىسكە مۇرىندىق بولىپ وتىر، - دەپ حابارلايدى اباي-اقپارات.

بۇگىندە كاسىپكەرلەر تابىس تابۋدى عانا كوزدەمەي الەۋمەتتىڭ الەۋەتىن ارتتىرۋعا دا سەپتەسۋدە. وقو-نا قاراستى تولەبي اۋدانىندا ەگىس ەگىپ، شارۋاسىن دوڭگەلەتىپ وتىرعان «اتامەكەن كورپوراتسياسى» جشس-ءى بۇگىندە اۋىل ايماقتاعى بىرقاتار يگى ىسكە مۇرىندىق بولىپ وتىر. اتالعان كومپانيانىڭ سارقىراما اۋىلىندا مال بورداقىلاۋ الاڭى مەن ءسۇت فەرماسىن جانە ءسۇت وڭدەۋ تسەحى ورنالاسقان. سونىمەن قاتار «اتامەكەن» كورپوراتسياسىنىڭ قولداۋىمەن دارىگەرلىك امبۋلاتوريا، شاشتاراز، سپورت الاڭشاسى مەن اۋىل ارداگەرلەرىنە ارنالعان قىمىزحانا سالىپ بەردى.

بۇگىندە اتالعان نىساننىڭ پايداسىن اۋىل ازاماتتارى كورىپ وتىر. اۋداندا وندىرىلەتىن جالپى ءونىمنىڭ 60% استامىن اۋىلشارۋاشىلىق سالاسى قۇرايدى. بۇل باعىتتا بيىل اۋدان جوعارى كورسەتكىشكە قول جەتكىزىپ وتىر. اگرارلى سالادا وزىندىك سالماعى بار تولە بي بال قىمىزىمەن دە ەرەكشەلەنەدى. جىلىنا 3 مىڭ توننادان استام قىمىز وندىرەتىن شارۋالارعا وسى سالانى دامىتۋ ماقساتىندا 12 ملن. تەڭگە مەملەكەتتەن سۋبسيديا بەرىلدى. الداعى ۋاقىتتا سۋبسيديا كولەمى ارتىپ، ءونىم كولەمى 5 مىڭ تونناعا جەتەدى دەپ جوسپارلانۋدا.

اباي-اقپارات