وڭتۇستىك قازاقستان وبلىسىندا  اۋىل شارۋاشىلىعى جەرلەرىنىڭ سورتاندانۋ (تۇزدانۋ) ماسەلەسى  تۋىنداپ وتىر. سول سەبەپتى قر اۋىل شارۋاشىلىعى اكادەمياسىنىڭ عالىمدارى مەن دوكتورلارى جانە پروفەسسورلارى وڭتۇستىكتىڭ جەرىنە ۇلكەن ءمان بەرىپ وتىر.

جالپى وڭتۇستىك ءوڭىرى رەسپۋبليكاداعى بىردەن ءبىر اگرارلىق ايماق.  

بۇگىنگى تاڭدا، بارلىق 566,3 مىڭ گا سۋارمالى جەردىڭ 186 مىڭ گا تۇزدانعان، ونىڭ ىشىندە 93,6%-ىن ماقتارال، شاردارا، وتىرار اۋداندارى مەن ارىس قالاسىنىڭ جەرلەرى.

 اعىمداعى جىلى 531 شاقىرىمدىق 46 سۋ نىساندارىنا وبلىستىق بيۋدجەتتەن 3,9 ملرد. تەڭگە قارجى قارالىپ، جوندەۋ جۇمىستارى جۇرگىزىلدى. اتالعان جۇمىستار اياقتالعان جاعدايدا، 30 مىڭ گا سۋارمالى جەردىڭ جاعدايى جاقسارىپ، 1,5 مىڭ گا سۋارمالى جەر جاڭادان اينالىمعا قوسىلۋى مۇمكىن.

بۇگىنگى تاڭدا اۋىل شارۋاشىلىعى مينيستىرلىگى يسلام دامۋ بانكىمەن جەر استى سۋالارىنىڭ دەڭگەيىن تومەندەتۋگە باعىتتالعان  جوبالاردى جاساقتاۋدا.  اتالعان جۇمىستار ناتيجەسىندە  ماكتارال اۋدانىندا 210 دانا، شاردارا اۋدانىندا 302 دانا تىك درەناجدى ۇڭعىمالار قايتا قۇرىلماق. ناتيجەسىندە ماقتارال اۋدانىندا  37 059 گا  جانە شاردارا اۋدانىندا 64 315 گا  سۋارمالى جەردىڭ مەليوراتيۆتىك جاعدايى جاقسارادى.

وتىرار اۋدانىنداعى ءشاۋىلدىر القابىنداعى ىشكى كوللەكتورلىق درەناج جۇيەلەردى قايتا قۇرۋ جوباسى ەۆروپا قايتا قۇرۋ جانە دامۋ بانكى ارقىلى قارجىلاندىرۋ باعىتىندا جۇمىستار جۇرگىزىلىپ كەلەدى. وسى جوبا، 12,0 مىڭ گا سۋارمالى جەردىڭ مەليوراتيۆتىك جاعدايىن جاقسارتۋعا قول جەتكىزىلەدى.

ودان بولەك، وتىرار اۋدانىنىڭ سۋارمالى جەردىڭ سۋمەن قامتاماسىز ەتىلۋىن جانە 5 مىڭ گا جاڭادان سۋارمالى جەر قوسۋ ماقساتىندا، بۇگىنگى كۇنى ەۆروپا قايتا قۇرۋ جانە دامۋ بانكىمەن                  4,4 ملرد تەڭگەگە «سىرداريا-ارىس» كانالىن قايتا قۇرۋ جۇمىستارىنىڭ ماسەلەسى پىسىقتالدى.

سونداي-اق، دۇنيە جۇزىلىك دامۋ بانكىنىڭ قارجىلاندىرۋىمەن يدجج-2 باعدارلاماسى ارقىلى ماقتارال اۋدانىندا 39 757 گا، شاردارا اۋدانىنداعى 20 630 گا جانە تۇركىستان قالاسىندا 10 000 گا جەرگە  سۋارۋ جۇيەلەرىنىڭ قايتا جاڭارتۋ جانە قايتا قۇرۋ بويىنشا جۇيەلى جۇمىستار جۇرگىزۋ جوسپارلانۋدا. قازىرگى تاڭدا، اۆستراليالىق «SMEG» فيرماسى اتالعان باعدارلاماعا جوبالاۋ جۇمىستارىن جۇرگىزۋدە.

جوعارىدا اتالعان جوبالاردىڭ اياقتالعاندا 2018-2020 جىلدارى وڭتۇستىك قازاقستان وبلىسىندا سۋارمالى جەرلەردىڭ تۇزدانۋ ماسەلەسى تولىعىمەن شەشىمىن تاپپاق.

اباي-اقپارات