اعىمداعى جىلدىڭ جەلتوقسان ايىنداعى مالىمەت بويىنشا، وڭتۇستىك قازاقستاندا «ماكسيمۋم» ايماقتىق ينۆەستيتسيالىق ورتالىعى مەن ەنشىلەس «ىرىس» شاعىن نەسيە ۇيىمى ارقىلى التى جىلدا اۋىل شارۋاشىلىعى سالاسىندا جالپى سوماسى 31,6 ملرد. تەڭگە بولاتىن 11 307 جوبا قارجىلاندىرىپتى. بۇل جايىندا  «ىرىس» شاعىن نەسيە ۇيىمى» جشس ديرەكتورى ە.قانسەيىتوۆ ءمالىم ەتتى، دەپ حابارلايدى وقو اكىمىنىڭ ءباسپاسوز قىزمەتى.  سونىڭ ىشىندە بيىلعى جىلدىڭ 6 ايىندا 4,1 ملرد. تەڭگە قۇرايتىن 1239 جوبا قارجىلاندىرىلعان. ەكى ۇيىمنىڭ نەسيە قورجىنى 16,2 ملرد. تەڭگەگە جەتتى.   سونداي-اق، وسى التى جىل  ىشىندە 31 مىڭنان استام جۇمىس ورنى اشىلىپتى. ونىڭ ىشىندە 15 مىڭ تۇراقتى جۇمىس ورىندارى بولسا، 16 مىڭنان استامى ۋاقىتشا جۇمىس ورىندارى. اتالعان جوبالاردىڭ 90 پايىزى اۋىلدىق جەرلەردە جۇزەگە اسۋدا. 2012 جىلدان بەرى جۇيەلى تۇردە «جۇمىسپەن قامتۋ 2020»، مونوقالالار باعدارلاماسى ارقىلى جالپى سوماسى 5 ملرد. تەڭگە قاراجات تارتىلعان. سونىڭ ىشىندە، 2015 جىلدىڭ 6 ايىندا «ىرىس» مقۇ-نا اۋىل شارۋاشىلىعىن قارجىلاي قولداۋ قورىنان 700 ملن. تەڭگە كولەمىندە نەسيە تارتىلدى. ونىڭ 200 ملن. تەڭگەسى اۋىلدىق بيزنەستى دامىتۋعا، 500 ملن. تەڭگەسى ماقتا وندىرۋشىلەرگە بەرىلدى.   "2014-2016 جىلدارى مال شارۋاشىلىعىن دامىتۋ ءىس-شاراسى اياسىندا 4,0 ملرد. تەڭگەنى قۇرايتىن 1333 شاعىن بورداقىلاۋ الاڭدارى مەن شاعىن ءسۇت-تاۋارلى فەرمالارىن اشۋ جوسپارلانۋدا. جىل باسىنان بەرى 1450,9 ملن. تەڭگە كولەمىندە 626 شاعىن بورداقىلاۋ الاڭى مەن 108,8 ملن. تەڭگەگە 48 شاعىن ءسۇت-تاۋارلى فەرمالارى قارجىلاندىرىلعان.

اباي-اقپارات