اۋىل شارۋاشىلىعى سالاسىندا بىلتىرعى جىلمەن سالىستىرعاندا ناقتى كولەم يندەكسi 100,9 پايىزدى قۇرادى. بۇل تۋرالى «اباي اقپارات» پورتالى حابارلايدى.

جىل سوڭىنداعى دەرەكتەرگە نازار اۋدارساق، بيىل وڭتۇستiكتiڭ ديقاندارى مەن شارۋالارى 300 ميلليارد تەڭگەنiڭ ءونiمiن وندiرسە، سونىڭ 182 ميلليارد تەڭگەسi سوڭعى 3 ايدىڭ ەنشiسiندە ەكەن. سونىڭ ىشىندە تامشىلاتىپ سۋارۋ ءادiسi 11100 گەكتارعا ەنگiزiلسە، وسى بiراز ۋاقىتتىڭ iشiندە 5,7 گەكتار القاپقا جىلىجاي سالىنعان. وسىلايشا وبلىستاعى جىلىجايدىڭ كولەمi 1020 گەكتارعا جەتتi. بۇل رەسپۋبليكاداعى بارلىق جىلىجايدىڭ 87 پايىزى وڭتۇستiك قازاقستاندا دەگەن ءسوز.

جالپى ايتار بولساق، كۇز ايىندا وڭتۇستىك قازاقستان وبلىسى ەلىمىزدەگى دۇكەن سورەلەرىنە 9 مىڭ توننادان استام جەمىس-جيدەك ونىمدەرىن جەتكىزگەن. سونىمەن قاتار، شاردارا سۋ قويماسىنىڭ جاعاسىندا جاڭا تۋريستىك نىساندار سالىنباقشى.

ايماقتىڭ باستى ەكونوميكالىق دامۋ باعىتتارى – اۋىل شارۋاشىلىلىعىمەن تىكەلەي بايلانىستى ەكەنىن ايتتىق... سوندىقتان دا، كەلەسى بەسجىلدىقتا بۇل سالانى دامىتۋعا ەرەكشە كوڭىل ءبولىنىپ وتىر.

بىرىنشىدەن، سۋارمالى جەرلەردىڭ جاعدايىن جاقسارتۋ جانە جاڭادان سۋارمالى جەرلەردى اينالىمعا قوسۋ.

ەكىنشىدەن، فەرمەرلەرگە تومەن پايىزبەن بەرىلەتىن نەسيەلەردىڭ كولەمى ارتتىرۋ. جانە ولاردىڭ قولجەتىمدىگى.

ۇشىنشىدەن، تاعى ءبىر وزەكتى ماسەلە – بۇل زاماناۋي تەحنيكانىڭ تاپشىلىعى. شاعىن فەرمەرلەردىڭ ءاربىرىنىڭ جەكە تراكتور نەمەسە كومباين الۋعا شاماسى جەتە بەرمەيدى. سوندىقتان، ءاربىر اۋداندا سول جەردىڭ اۋىلشارۋاشىلىعى سالاسىنىڭ ەرەكشەلىگىن ەسكەرۋ كەرەك. ول ءۇشىن  ماشينا-تراكتورلىق ستانتسيالار (متس) اشىلماق.  
تورتىنشىدەن، بۇگىنگى تاڭدا عىلىمي قولداۋسىز اۋىلشارۋاشىلىعى سالاسىندا باسەكەگە قابىلەتتى بولا المايدى. عىلىمنىڭ، جاڭا تەحنولوگيانىڭ كومەگىنسىز بۇل سالاداعى بيزنەس دامي قويمايدى. قاجەتتى تەحنولوگيا ساقتالماسا، جەرىمىز قىسقا مەرزىمدە جارامسىز بولادى. وسىمدىكتى قورعاۋ، ۆەتەريناريا سالالارىندا الدىن الۋ شارالارى قابىلدانباسا، ءبىر مەزەتتە كاسىپتەن ايىرىلىپ قالۋ مۇمكىن. سول سەبەپتى، وبلىسقا جاڭا تەحنولوگيالاردى تارتۋ ماقساتىندا ارنايى ورتالىق جۇمىس ىستەيتىن بولادى. ءاربىر اۋداننىڭ ەرەكشەلىكتەرىن ەسكەرە وتىرىپ، فەرمەرلەرگە عىلىمي-كونسۋلتاتسيالىق قىزمەت كورسەتەتىن ورتالىقتار اشىلاتىن بولادى.
بەسىنشى باعىت – بۇل ءاربىر اۋداننىڭ پوتەنتسيالى مەن كليماتتىق ەرەكشەلىكتەرى زەرتتەلىپ، جىل سوڭىنا دەيىن 2020 جىلعا دەيىنگى ناقتى ينديكاتورلار بەكىتىلەدى. ءار اۋداننىڭ باسىم باعىتتارى ايقىندالادى دەگەن ءسوز. ماسەلەن، تاۋلى اۋدانداردا ينتەنسيۆتى باۋ شارۋاشىلىعى قولعا الىناتىن بولادى.

اباي اقپارات