وڭتۇستىك قازاقستان وبلىسى اۋىلشارۋاشىلىق باسقارماسىنىڭ جەلتوقسان ايىنداعى مالىمەتتەرىنە سۇيەنسەك، بيىل  وڭىردەگى وندىرىلگەن ەت كولەمى 3,2 پايىزعا ارتقان. بۇل تۋرالى «Abai.kz» پورتالى حابارلايدى. بۇل جالپى كولەمنىڭ 184,6 مىڭ تونناسىن قۇرايدى.

سونىمەن قاتار، وبلىستاعى ءسۇت ونىمدەرىنىڭ كولەمى بىلتىرعى جىلمەن سالىستىرعاندا  1,6 پايىزعا ارتقان. اگروونەركاسىپتىك كەشەنى دەرەكتەرىنە سۇيەنسەك، وڭىردەگى ءسۇت ونىمدەرى 663,6 مىڭ تونناعا وسكەن.

2016 جىلدىڭ قورىتىندىسى بويىنشا، وڭتۇستىك قازاقستان وبلىسىندا جۇمىرتقا ونىمدەرى 278,1 ميلليون داناعا جەتكەن. بۇل جالپى كولەمنىڭ 2,3 پايىزىن قۇرادى.

سونىمەن قاتار، وڭتۇستىك قازاقستان وبلىسى رەسپۋبليكا بويىنشا اگروونەركاسىپ سەكتورىن شارۋاشىلىق ونىمدەرىمەن قامتاماسىز ەتىپ وتىر. وڭتۇستىك ونىمدەرى رەسپۋبليكا نارىعىن ازىق-تۇلىكپەن تولتىرىپ جاتقانىن وسىنىڭ الدىندا حابارلاعان ەك.

ايتا كەتەيىك، بيىل وڭتۇستىك قازاقستان وبلىسى KazMeat جانە Halal Kazakhstan برەندىمەن بەيجىڭدە وتاندىق ەت ونىمدەرىن وندىرۋشىلەر ءوز تاۋارلارىن تانىستىردى. قازاقستاندىق كاسىپكەرلەر ANUFOOD سhina-2016 ازىق-تۇلىك كورمەسىنە ءبىرىنشى رەت قاتىسىپ وتىر. ماسەلەن، تەك «وڭتۇستىك حالال تاعامدارىنىڭ» ونىمدەرىنە 30-عا جۋىق قىتايلىق كومپانيا قىزىعۋشىلىق ءبىلدىردى. قازاقستان مەن قىتايدىڭ وسى سالاداعى كاسىپورىندارى بىرلەسىپ جۇمىس ىستەۋگە دايىن. ولار ەت ونىمدەرىن تاسىمالداۋعا قاتىستى كەيبىر تالاپتار مەن كەدەرگىلەردىڭ الىنۋىن كۇتىپ وتىر.

سونىمەن قاتار، وڭتۇستىك قازاقستاندا وسى جىلدىڭ 5 ايىندا جالپى اۋىل شارۋاشىلىق ءونىم كولەمى 99,9 ملرد تەڭگەگە جەتتى. بۇل وتكەن جىلعىمەن سالىستىرعاندا 25,6 ملرد تەڭگەگە ارتىق.

اباي-اقپارات