وڭتۇستىك قازاقستان وبلىسى قازىعۇرت اۋدانىنداعى «امانگەلدى» جشس-ءى جىلدى قورتىندىلاپ، بيىل 2500 توننا مال ازىعىن دايىنداعانىن مالىمدەدى، - دەپ حابارلايدى اباي-اقپارات.

قازىعۇرتتا مال ازىعىن دايىنداۋ، قاجەتتى تەحنيكانى ناۋقانعا سايلاۋ بويىنشا وبلىستىق سەمينار-كەڭەس بولىپ ءوتتى. ءىس-شارانى وتكىزۋگە «امانگەلدى» جشس-ءى لايىق دەپ تانىلدى. وبلىستىق اۋىل شارۋاشىلىعى باسقارماسى ۇيىمداستىرعان جيىندا مال ازىعىن دايىنداۋدىڭ قىر سىرى ءتۇسىندىرىلىپ، تابيعي شوپتەن پىشەندەمە ازىرلەۋ ءتاسىلى كورسەتىلدى.   

قازىعۇرتتا  مال شارۋاشىلىعى قارقىن العان. سوعان بايلانىستى تابيعي پىشەنگە سۇرانىس تا جوعارى. بىلتىرعا قاراعاندا ءشوپ تە بەلۋاردان. مۇنىڭ ءبارى شابىندىقتىڭ نۋ بولۋىنا سەپ. مال ازىعىن دايىنداۋ كەزىندەگى تۇيتكىلدەر شارۋالار مەن سالا ماماندارىنىڭ تالقىسىنا سالىندى.  

«امانگەلدى» جشس-دە بارلىق جاعداي جاسالعان. كەلەلى جيىندا ايتىلعان جۇمىستاردىڭ ءبارى وسى جەردە تياناقتى تۇردە جۇزەگە اسىپ جاتىر. بۇگىندە شارۋاشىلىق يەلەرى 2500 توننا مال ازىعىن دايىنداپ، پىشەندەمەنى دە قولعا العان.

شابىندىقتا ورىلعان مىنا ءشوپ تاسىمالداۋعا دايىن. استىق جيناعانشا وسىنى يكەمدەۋ قاجەت. كەرەك تەحنيكا مەن ادام كۇشى جەتكىلىكتى. جۇيەلى جۇمىس وسىلاي جۇرگىزىلەدى. سەرىكتەستىك تاجىريبەسى وزگە شارۋاشىلىق يەلەرىنە ۇلگى ەتىلدى. قىستىڭ قامىن جاز ويلاۋ كوپكە ايتىلدى.

اباي-اقپارات