الماتى قالاسىنداعى ناۋرىزباي اۋدانىندا ورنالاسقان №154 مەكتەپتە ءانشى تورەعالي تورەالى اتىنداعى ءماجىلىس زالى اشىلدى. بۇل جونىندە ءانشىنىڭ ديرەكتورى فاريزا اسپاندياروۆا ءوزىنىڭ ينستاگرام پاراقشاسىندا بىلاي دەپ جازدى:

«بۇگىن بىزدە تاعى ءبىر قۋانىشتى جاڭالىق. ناۋرىزباي اۋدانىنداعى، ءنومىرى 157-ءشى مەكتەپتىڭ ىشىنەن ۇلى دالا بالاسى - تورەعالي تورەالى اتىنداعى ء“ماجىلىس زالى“ اشىلدى. ەندi مەكتەپتىڭ بارلىق ءىس-شارالارى وسىندا وتەتىن بولادى» دەپ جازدى فاريزا حانىم. ونىڭ ايتۋىنشا، مەكتەپ باسشىلىعى تاراپىنان تورەعاليعا ۇسىنىس جاسالعان. ءانشى ونى قۋانا قابىل الىپ، 15 جەلتوقساندا اشىلۋ سالتاناتىنا قاتىستى. ءان ايتىپ، №157 مەكتەپتىڭ وقۋشىلارمەن قاۋىشتى.

ءانشى بۇعان دەيىن دە اتالعان مەكتەپ وقۋشىلارىمەن 1 قىركۇيەكتە كەزدەسكەن ەدى. ەندى مەكتەپتەگى ءتۇرلى ءىس-شارالار مەن مەرەكەلىك كونتسەرتتەر «ۇلى دالا بالاسى تورەعالي تورەالىنىڭ اتىنداعى ءماجىلىس زالىندا» وتەدى ەكەن. زالدى اشۋ يدەياسىن وقۋشىلار مەكتەپ باسشىلىعىنا ۇسىنعان. ولار بالالاردىڭ ۇسىنىسىن قابىل الىپ، الماتى قالاسىنىڭ اكىمدىگىمەن كەلىسە وتىرىپ، «ۇلى دالا بالاسى تورەعالي تورەالى اتىنداعى ءماجىلىس زالىن» اشتى.

P.S.

تورەعالي - جاقسى ءانشى، ەل ىقىلاسىنا بولەنگەن ازامات. بىراق، مەملەكەتتىك مەكەمەدەگى ءماجىلىس زالىن جاس ءانشىنىڭ اتىنا بەرۋدى قالامايتىندار بار. "بۇل جاعداي ەلدە بەلەڭ الاتىن بولسا، ەرتەڭ-اق زارارىن حالىق تارتاتىن بولادى", - دەيدى ءانشىنىڭ اتىنا ءماجىلىس زالىنىڭ بەرىلۋىن قۇپ كورمەيتىن كوپشىلىك. ولاردىڭ ويىنشا، قازاقتىڭ اپتال تۇلعالارىن ۇمىتىپ، كەشە عانا ساحناعا شىققان ازاماتتى بۇلاي اسپەتتەۋ - شەكتەن شىققاندىق. وقۋ ورنىنىڭ جۇمىسىنىڭ شالاعايلىعىن كورسەتەدى. تورەعالي سول ءماجىلىس زالىنا اتىن بەرمەسە دە، ەلدىڭ كوزقۋانىشى بولىپ جۋرەرى انىق. ەندى توراعاليدىڭ باقتالاستارى قىزۋ ىسكە كىرىسەدى دەگەن ءسوز.

"اقان سەرى، ءبىرجان سال، بالۋان شولاق، جايا مۇسا، اسەت نايمانبايۇلى، تاتتىمبەت، قۇرمانعازى، ن.تىلەنديەۆتەرگە بەرىلۋى ءتيىس ءماجىلىس زالدارىنىڭ اتىن نەگە وزگەلەر يەلەنىپ كەتۋى كەرەك؟.." - دەيدى جوعارىداعى جاڭالىقتى جاتىرقاي قابىلداعان قاۋىم.  

اباي-اقپارات