2015 جىلدىڭ 15 اقپانىندا «قاراعاندى جارىق» جشس تىكەلەي باعىناتىن ەنەرگەتيكا مينيسترلىگى بۇيرىق شىعارىپ، ەلەكتر قۋاتىنىڭ تۇرمىستاعى ەسەپتەگىشتەرىن اۋىستىرۋ ەلەكتر قۋاتىن بەرەتىن ۇيىمداردىڭ ەسەبىنەن بولاتىنىن انىقتاعان. بىراق وسى بۇيرىقتى «قاراعاندى جارىق» ورىنداماي، ەسەپتەگىشتەردى اۋىستىرۋدى تۇرعىنداردىڭ موينىنا ءىلىپ وتىر ەكەن.

تۇرعىنداردىڭ وسى تاراپتاعى ارىز-شاعىمدارىنا پروكۋراتۋرا ورگاندارى دا قۇلاق اسپاي، شارا قولدانبايتىن كورىنەدى. وسىنداي كەلەڭسىزدىكتەر باسقا دا ايماقتاردا بولۋى مۇمكىن دەپ ماجىلىستەگى حالىقشىل كوممۋنيستەر پارتياسىنىڭ فراكتسياسى دەپۋتات ا.قوڭىروۆتىڭ باستاۋىمەن باس پروكۋرور ج.اسانوۆقا دەپۋتاتتىق ساۋال جولدادى. وندا ەلەكتر قۋاتىن تاراتاتىن كومپانيانىڭ زاڭسىز ارەكەتىن تىيۋمەن قاتار قاراعاندى وبلىسى پروكۋراتۋراسىنىڭ حالىقتىڭ ارىز-شاعىمدارىنا كوڭىل بولمەيتىندىگىنە نازار اۋدارىلعان. ونىڭ سەبەبى – پروكۋراتۋرانىڭ وسىنداي كومپانيالارمەن اۋىز جالاسقاندىعىنان دا شىعار-اۋ دەگەن كۇدىك تە ايتىلعان. بالكي، قاراعاندىلىق پروكۋراتۋرا باسشىلىعىنىڭ جۋىردا «تازارتۋدان» وتكىزىلگەندىگى دە وسىنداي سەبەپتەردەن ەمەس پە دەگەن سۇراق تا قويىلادى ساۋالدا.

س.ەلەۋ، ساراپشى

Abai.kz