الەمدىك قاۋىمداستىق رەسەيدىڭ تۇركياداعى ەلشىسىنە جاسالعان قاستاندىقتى سىنادى
بۇۇ، ەقىۇ، اقش، ۇلىبريتانيا، فرانتسيا جانە باسقا دا ەلدەر رەسەيدىڭ تۇركياداعى ەلشىسى اندرەي كارلوۆقا جاسالعان قاستاندىقتى سىنادى. ەلشى انكارادا قارۋلى شابۋىل سالدارىنان قايتىس بولدى.
انكاراداعى قازىرگى زامان گالەرەياسىنا "تۇرىكتەردىڭ كوزقاراسىنداعى رەسەي" فوتوكورمەسىن كورۋگە كەلگەن ەلشىنى ءبىر ەر كىسى اتىپ ولتىرگەن.
Haber Turk اقپارات اگەنتتىگىنىڭ حابارلاۋىنشا، ەلشىنى انكارا پوليتسياسىنىڭ بۇرىنعى قىزمەتكەرى ولتىرگەن، ول تۇركياداعى شىلدەدەگى بۇلىكتەن سوڭ جۇمىستان شىعارىلعان. شابۋىل كەزىندە ول سيريا جانە الەپپو ءۇشىن كەك الاتىنىن ايقالاپ ايتقان. ونى پوليتسيا اتىپ ءولتىردى.
تۇرىكتىڭ NTV تەلەارناسىنىڭ حابارلاۋىنشا، شابۋىل كەزىندە تاعى ءۇش ادام جارالانعان.
62 جاستاعى اندرەي كارلوۆ 2013 جىلدان بەرى رەسەيدىڭ انكاراداعى ەلشىسى قىزمەتىن اتقارىپ كەلدى.
اباي-اقپارات
