وقو وبلىسى - ەل اۋماعى بويىنشا ەگىستىك جەر كولەمى كوپ ايماق. الايدا، وبلىس بارىمەن شەكتەلمەي، ەگىستىك جەرلەردى ۇلعايتۋعا جۇمىس جاساپ جاتىر. مىسالى،  وقو سوزاق اۋدانىندا سۋارمالى جەر از، سوندىقتان سۋارمالى جەر كولەمىن ۇلعايتۋ ماسەلەسى كۇن تارتىبىندە تۇر. ول ءۇشىن يرريگاتسيالىق جۇيەلەر رەتكە كەلتىرۋدى قاجەت ەتەدى. اۋداندا بيىل 380 ميلليون تەڭگەگە «بىرەسەك» سۋ قويماسىنىڭ قۇرىلىسى اياقتالىپ، بالانسقا قابىلداندى. وندا 2,2 ميلليون كۋب سۋ جينالادى. "وسى قويمانىڭ ارقاسىندا 2018 جىلى سۋارمالى جەردىڭ كولەمىن 700 گەكتارعا ۇلعايتساق دەگەن جوسپار بار", دەيدى سوزاق اۋدانى اكىمدىگىنىڭ ماماندارى. اۋداندا جالپى 12 سۋ قويماسى بار. بىراق سۋارمالى رەتىندە تۇرعان 2,5 مىڭ گەكتار جەر پايدالانىلمايدى. ونىڭ ماقساتىن اۋىستىرىپ، 2018 جىلعا دەيىن 1,5 مىڭ گەكتار سۋارمالى جەردى اينالىمعا ەنگىزىلەتىن كورىنەدى. "سونىڭ ارقاسىندا 5 مىڭ گەكتار سۋارمالى جەردى 6,5-7 مىڭ گەكتارعا دەيىن جەتكىزۋ جوسپارلانعان",  دەيدى سوزاق اۋدانى اكىمدىگىنىڭ ماماندارى . 

- وبلىستا ءتورت كانال سوت شەشىمىمەن يەسىز مۇلىك رەتىندە بالانسىمىزعا الدىق. ەندى كانالدى جوندەۋگە قارجى بولىنسە، تاعى ءبىراز جەردى سۋلاندىرۋ مۇمكىندىگى تۋادى. وسىنشاما جەر ساۋارمالى رەتىندە قولدانىسقا ەنسە، قانشاما اۋدان تۇرعىندارى جۇمىسپەن قامتىلىپ، تابىس كوزىنە اينالدىرعان بولار ەدى، -دەيدى «بىرەسەك» سۋ قويماسىنىڭ ماماندارى.  

ۆەتەريناريا سالاسىنداعى رەيتينگتىك كورسەتكىش بويىنشا سوزاق اۋدانى بيىل وبلىستا ەكىنشى ورىن الدى.

-اۋداندا مال شارۋاشىلىعىمەن دە اينالىساتىن بولعاندىقتان، ۆەتەريناريا سالاسىن جوعارى دەڭگەيگە كوتەرۋىمىز كەرەك. بيىلدىڭ وزىندە اۋداندا مال شومىلدىراتىن تيپتىك ءۇش ءاۋىت سالىندى. بۇل ءىس الداعى ۋاقىتتا دا جالعاسىن تاباتىن بولادى. ءار اۋىلدىق وكرۋگكە ارنايى ورىن بەلگىلەنىپ، سمەتالىق قۇجاتتارىن دا دايىندالعان. بۇل جۇمىستى جىل سايىن 3-4 اۋەتتەن سالىپ وتىرسا، تولىق بىتىرۋگە بولادى ەكەن، - دەيدى سوزاق اۋدانى اكىمدىگىنىڭ ماماندارى.

Abai.kz