وقو جىلىجاي ونىمدەرىن وندىرۋدە العاشقى ورىندا. وبلىس اۋماعىندا جىلىجايلار سانى كوپ. ماسەلەن، وقو، ورداباسى اۋدانى، «شۇبار» اۋىلدىق وكرۋگىندە 8500-دەي تۇرعىن تۇرادى. اۋىلشارۋاشىلىق ماقساتىنداعى 15750 گەكتار جەردىڭ 1300 گەكتارى سۋارمالى، 7400 گەكتارى جايىلىم دا قالعانى ءتالىمى جەر سانالادى. 6 ەلدى مەكەندە 6 مەكتەپ، №18 تەحنيكالىق ءبىلىم بەرۋ كوللەدجى بار. كەلەسى جىلى تاعى ءبىر ۇلكەن مەكتەپتىڭ ىرگەسىنىڭ قالانۋى جوسپارعا ەنگىزىلىپ وتىر. 60 ورىندىق ءبىر مەملەكەتتىك جانە «بالاپان» باعدارلاماسى بويىنشا اشىلعان ارقايسىسى 200 ورىندىق ەكى جەكەمەنشىك بالاباقشا جۇمىس ىستەيدى. ءبىر مادەنيەت ءۇيى، ەكى كىتاپحانا حالىققا قىزمەت كورسەتسە، ءبىر ەمحانا مەن ءۇش فەلدشەرلىك اكۋشەرلىك پۋنك تۇرعىنداردىڭ دەنساۋلىعىن كۇزەتۋدە. ورتالىقتا ءبىر گەكتار جەرگە جاڭا مادەنيەت ءۇيىنىڭ قۇرىلىسىن جۇرگىزۋ ءۇشىن قۇجاتتار راسىمدەلىپ قويىلىپتى. ءۇش ەلدى مەكەننىڭ تۇرعىندارى تاۋلىك بويى تازا سۋمەن قامتىلسا، تاعى وسىنشا ەلدى مەكەننىڭ سكۆاجيناسى قازىلىپ، سىناماسى الىنعان. 2017 جىلعا ولاردىڭ قۇجاتىن راسىمدەۋگە قارجى قارالۋدا. ال 2018 جىلى ىسكە قوسىلادى دەگەن بولجام بار. بۇگىنگى تاڭدا بۇل اۋىلدىڭ تۇرعىندارى اۋلاسىنداعى باسپا قۇدىقتارى ارقىلى جەر استى سۋىن پايدالانۋدا. سۋى تازا.  اۋداندا ۇلكەن گەس سالىنىپ جاتىر ەكەن. ونىڭ قۇرىلىسى بىتكەن جاعدايدا ءبىرتالاي تۇرعىنداردىڭ كوگىلدىر وتىن ماسەلەسى شەشىمىن تاپپاق. توقسانساي دەپ اتالاتىن ەلدى مەكەنىندە 100-150 وتباسىعا «قازترانسگاز» اق-نىڭ جۇزەگە اسىرۋىمەن گازبەن قامتاماسىز ەتۋ جۇمىستارى جۇرگىزىلىپ جاتىر. ول 2017 جىلى تولىق ءبىتۋى ءتيىس.

اۋىل ادامدارىن جۇمىسپەن قامتۋ ماقساتىندا ۇيىمداستىرىلعان كاسىپورىندار كوپتەپ سانالادى. اۋىلدىق وكرۋگ اۋماعىندا ءىرى ەسەپتەلەتىن تاس قياقتايتىن كارەر، 5 گەكتار فەرمەرلىك جىلىجاي بار. كەڭەس داۋىرىنەن بەرى جۇمىس ىستەپ كەلە جاتقان «شۇبار» اسىلتۇقىمدى كەشەندە 7,5 مىڭعا جۋىق تالپاق تاناۋ وسىرىلۋدە. وندا 50 شاقتى جەرگىلىكتى تۇرعىن جۇمىسپەن قامتىلعان. «جۇمىسپەن قامتۋ — 2020» باعدارلاماسى بويىنشا شاعىن كاسىپكەرلىككە اۋىلدىق وكرۋگىمىزدەن 30-عا جۋىق ادام وقىتىلدى. ولارعا ۇسىنىس بەرىلىپ، سونىڭ ىشىندە 15-ءى نەسيە الدى.

Abai.kz