ەل تاۋەلسىزدىگىنىڭ 25 جىلدىق مەرەيتويىن سارىاعاشتىقتار ەرەكشە قۋانىشپەن قارسى الدى.  اتاپ ايتساق، «سامال» مولتەك اۋدانىندا كوشە قۇرىلىسى اياقتالىپ، ەل يگىلىگىنە بەرىلدى. 

سالتاناتتى شارادا ءسوز العان اۋدان اكىمىنىڭ ورىنباسارى س. تاسقۇلوۆ قۇرىلىستى مەزگىلىندە اياقتاعان مەردىگەر كومپانياعا العىسىن ءبىلدىردى. كەزەڭ-كەزەڭىمەن جۇرگىزىلگەن قۇرىلىس جۇمىستارىنا وبلىستىق بيۋدجەتتەن 2 ملرد 53 ملن تەڭگە بولىنگەنىن دە ايتا كەتكەن ءجون. ناتيجەسىندە سارىاعاش اۋدانىندا جالپى ۇزىندىعى 30 مىڭ 823 شاقىرىمدىق ماگيسترالدى جولدار مەن ىشكى كوشەلەر جوندەۋدەن وتكەن.

سونداي-اق وسى كۇنى سارىاعاش اۋدانى جاڭاتالاپ ەلدىمەكەنىندە 75 ورىندىق مادەنيەت ءۇيى ەل يگىلىگىنە تاپسىرىلدى. مادەني وشاقتىڭ قۇرىلىسىنا وبلىستىق بيۋدجەتتەن 55 ملن 80 مىڭ تەڭگە جۇمسالعان. قۇرىلىس جۇمىستارىن «قۇرىلىس –سەرۆيس سك» مەردىگەر كومپانياسى جۇرگىزىپتى.

مەرەكەگە تارتۋ بولعان مادەنيەت نىسانى قۇرال-جابدىق، كومپيۋتەر، جيھازدارمەن تولىق قامتاماسىز ەتىلگەن. مادەنيەت ءۇيىنىڭ جانىندا زامان تالابىنا ساي جابدىقتالعان كىتاپحاناسى، وقۋ زالى، جوعارى جىلدامدىقتا ىستەيتىن ينتەرنەت، تەلەفون بايلانىستارى بار.

سارىاعاش قالاسىنداعى كۇردەلى جوندەۋدەن كەيىن  جاڭاشا كەيىپكە ەنگەن  «جەڭىس» ساياباعى دا مەرەكە قارساڭىندا ەل يگىلىگىنە تاپسىرىلدى. اشىلۋ سالتاناتىندا ءسوز العان سارىاعاش اۋدانى اكىمىنىڭ ورىنباسارى ق. قىستاۋباەۆ قالا تۇرعىندارىن مەرەيلى مەركەمەن قۇتتىقتاپ، قالانى كوركەيتۋ جۇمىستارى الداعى جىلدارى دا جالعاساتىنىن جەتكىزدى.

  ساياباقتاعى قايتا قۇرىلىمداۋ جۇمىستارىنا اۋدان بيۋدجەتىنەن 78 ملن 340 مىڭ تەڭگە جۇمسالعان. قۇرىلىسى 2015 جىلدىڭ قازان ايىندا باستالعان نىساننىڭ مەردىگەرى «ادت سەرۆيس» جشس-گى.  

Abai.kz