شىمكەنتتە قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي، ءتۇستى مەتالل ورامالارىن شىعاراتىن جانە ەلەكتر قوزعالتقىشتار جوندەيتىن «كازەلماش» جشس-ءنىڭ سالتاناتتى اشىلۋى ءوتتى. «وڭتۇستىك» يندۋستريالدى ايماعىندا ورنالاسقان جوبانىڭ قۇنى 75 ملن. تەڭگەنى قۇرايدى. وتىز ادام جۇمىسپەن قامتىلعان ءوندىرىس ورنىنىڭ جوبالىق قۋاتتىلىعى جىلىنا 12 توننانى قۇرايدى.

كاسىپورىننىڭ سالتاناتتى اشىلۋ راسىمىنە وڭتۇستىك قازاقستان وبلىسىنىڭ  كاسىپكەرلىك، يندۋستريالدى-يننوۆاتسيالىق دامۋ جانە تۋريزم باسقارما باسشىسىنىڭ ورىنباسارى ءىلياس وسپانوۆ پەن «وڭتۇستىك» يندۋستريالدى ايماعىنىڭ باس ديرەكتورى مۇحتار تۇرابەكوۆ قاتىسىپ، جاڭا زاۋىت جۇمىسشىلارىنا ساتتىلىك تىلەدى.

ايتا كەتەيىك، وڭتۇستىك قازاقستان وبلىسىنىڭ يندۋستريالدى ايماقتارىندا 168 جوبا ىسكە اسىرۋ كوزدەلىپ جاتسا، سونىڭ بۇگىندە جالپى قۇنى 35,3 ملرد. تەڭگەنى قۇرايتىن 54 جوباسى ناقتى ىسكە اسقان. بۇل ءوز كەزەگىندە 3 705 جۇمىس ورنىن اشۋعا مۇمكىندىك بەردى.

«كازەلماش» جشس-ءى ەلەكتر ماشينالارىنا سەرۆيستىك قىزمەت كورسەتىپ، كۇردەلى جوندەۋدەن (تۇراقتى توق ەلەكتر قوزعالتقىشتارى: اسينحروندى، سينحروندى، جوعارى كەرنەۋلى، جارىلىستان قورعالعان ەلەكتر قوزعالتقىشتاردى، ترانسفورماتورلاردى، گەنەراتورلاردى) وتكىزۋگە قىزمەت ەتپەك. سونىمەن بىرگە، نەگىزگى قىزمەت ءتۇرى رەتىندە جوعارى ءۆولتتى جانە تومەن ءۆولتتى ەلەكتر ماشينالارىنىڭ ستاتور جانە ارماتۋرا ورامالارىن ءوندىرىپ، تىكبۇرىشتى سىمدار، دوڭگەلەك قيمالى مىس جانە اليۋميني جاساۋمەن اينالىسادى.

ازىرگە، وڭتۇستىك كازاقستاندا تەڭدەسى جوق مۇنداي كاسىپورىن وڭىرىمىزدە عانا ەمەس، قىزىلوردا جانە جامبىل وبلىستارىندا ەلەكتر ۆاگوندارىن جوندەۋ بويىنشا جەتەكشى ءوندىرىس ورنى بولماق.

كومپانيا كليەنتتەرى بولىپ ءىرى كەن وڭدەۋ كاسىپورىندارى، تسەمەنت زاۋىتتارى، ماقتا وڭدەۋ زاۋىتتارى مەن ۇن تارتۋ كومبيناتتارى جانە باسقا دا كوپتەگەن ۇيىمدار تابىلادى.

Abai.kz