شىمكەنت قالاسى اكىمدىگىنىڭ ماجىلىسىندە قالاعا قاراستى ءتورت اۋدان اكىمدىگىنىڭ اۋدان اۋماقتارىندا اباتتاندىرۋ جانە سانيتارلىق تازالاۋ جۇمىستارى بويىنشا ەسەبى تىڭدالدى. 

ءال-فارابي اۋدانى اۋماعىندا كوپ قاباتتتى ۇيلەردىڭ 400 اۋلاسى ورنالاسقان، ونداعى 34 اۋلا سپورت الاڭشاسىمەن جابدىقتالعان. اعىمداعى جىلى اۋدان بويىنشا 16 كوپقاباتتى تۇرعىن ءۇيدىڭ اۋلاسىن اباتتاندىرۋ ءۇشىن 232,6 ملن. تەڭگە قارجى قاراستىرىلعان. اتالعان جۇمىستار «مەرەي-LTD» جاۋاپكەرشىلىگى شەكتەۋلى سەرىكتەستىگى تاراپىنان جۇرگىزىلۋدە. قۇرىلىس جۇمىستارى جەلتوقساندا اياقتالادى. ءال-فارابي اۋدانى بويىنشا، جىل باسىنان ەلدى مەكەندەردى سانيتارلىق تازالىقپەن قامتاماسىز ەتۋ جۇمىستارىنا قالالىق بيۋدجەتتەن 124,3 ملن.تەڭگە بولىنگەن. بۇل تۋرالى اۋدان اكىمى باۋىرجان قالجانوۆتىڭ بايانداماسىندا ايتىلدى. 

اباي اۋدانى اۋماعىنداعى 453 كوپقاباتتى تۇرعىن ءۇي 258 اۋلاعا بىرىكتىرىلگەن. اۋدان اۋماعىندا 2014 جىلدان باستاپ بۇگىنگى كۇنگە دەيىن 53 كوپقاباتتى تۇرعىن ءۇيدىڭ اۋلالارى اباتتاندىرىلىپ، قۇرىلىس جۇمىستارى جالعاسۋدا. 2016 جىلى قالالىق بيۋدجەتتەن 17 اۋلاعا 230 ملن. تەڭگە قارجى ءبولىنىپ، كونكۋرس جاريالانعان. ناتيجەسىندە 6 مەردىگەر مەكەمە جەڭىمپاز بولىپ، كەلىسىم-شارت تۇزىلگەن. كونكۋرس قورىتىندىسىمەن 41 ملن. 400 مىڭ تگ. ۇنەمدەلىپ، قۇرىلىس جۇمىستارى جۇرگىزىلدى.

– اۋدان اۋماعىنا جاڭادان قوسىلعان جاڭاتالاپ، قىزىلجار ەلدى مەكەندەرىنە وسى جىلى رەسپۋبليكالىق بيۋدجەتتەن مەملەكەتتىك «جول كارتاسى-2020» باعدارلاماسى ارقىلى قۇرىلىس جۇمىستارى باستالدى، – دەدى اباي اۋدانىنىڭ اكىمى احمەت تاتىباەۆ. 

ال، قاراتاۋ اۋدانى اۋماعىندا سانيتارلىق تازالاۋ جانە اباتتاندىرۋ بويىنشا اۋدان اكىمى عابيت ماۋلەنقۇلوۆ ايتىپ بەردى. قاراتاۋ اۋدانى بويىنشا سانيتارلىق تازالاۋ جۇمىستارى مەن اباتتاندىرۋ جانە كوگالداندىرۋ جۇمىستارىنا 2016 جىلى 171 044,51 مىڭ تەڭگە بولىنگەن. بۇگىنگى تاڭدا اۋدان بويىنشا 17416 م3 كۇل-قوقىس شىعارىلىپ، 93 كم يرريگاتسيالىق جۇيەلەر تازالاندى. 12 129 دانا اعاش ءتۇبى اكتەلدى.، 4005 دانا اعاشتاردى سانيتارلىق قىرقۋ جۇمىستارى جۇرگىزىلىپ، 2 177700 ش.م اۋماقتىڭ قۋراعان ءشوبىن ورۋ جۇمىستارى اتقارىلدى. قاراتاۋ اۋدانى بويىنشا شاعىناۋداندار مەن تۇرعىن الابتاردىڭ نەگىزگى كوشەلەرى بويىندا ۇزىندىعى 61 شاقىرىمعا جۋىق اياقجولدار سالىندى. بيىلعى جىلى "دوستىق" ش/ا، "بوزارىق" ش/ا، "اقجايىق" ش/ا، "تاسساي" ت/ا جانە "قايتپاس" شاعىناۋداندارىندا جالپى ۇزىندىعى 35,75 شاقىرىم يرريگاتسيالىق ارىقتار بەكىتىلگەن جوباعا سايكەس ورناتىلدى.

ءوز كەزەگىندە ەڭبەكشى اۋدانىنىڭ اكىمى عالىمجان يلياسوۆ اۋدان اۋماعىنداعى اتقارىلعان جۇمىستارى تۋرالى بايانداما جاسادى. تارقاتىپ ايتار بولساق، اۋدان اۋماعىندا 630 كوپقاباتتى تۇرعىن ۇي ورنالاسقان. ولاردىڭ ىشىندە 460 كوپقاباتتى تۇرعىن ءۇي اۋلالارىنا اباتتاندىرۋ جۇمىستارى جۇرگىزىلۋدە. ولاردىڭ ىشىنەن قازىرگى تاڭدا اباتتاندىرۋ جانە بالالار ويىن الاڭشاسىن ورناتۋ جۇمىستارىن جۇرگىزۋگە 235 ملن. تەڭگە ءبولىنىپ، 22 كوپقاباتتى ءۇي اۋلالارىنا اباتتاندىرۋ جانە بالالار ويىن الاڭشاسىن ورناتۋ جۇمىستارى جۇرگىزىلۋدە. سونىمەن قاتار «جۇمىسپەن قامتۋ 2020» باعدارلاماسى اياسىندا 33197 مىڭ تەڭگە ءبولىنىپ، قاراتوبە تۇرعىن الابى، قاپال باتىر كوشەسى بويىندا ورنالاسقان ەكى قاباتتى 5 ءۇي اۋلالارىنا اباتتاندىرۋ جانە بالالار ويىن الاڭشاسىن ورناتۋ جانە پانفيلوۆ، قۇرباناتا كوشەلەرىنىڭ بويىن اباتتاندىرۋ (اياق جول سالۋ) جۇمىستارى «جەدەل قۇرىلىس» جشس-ءى تاراپىنان جۇرگىزىلىپ جاتىر.

Abai.kz