تاۋەلسىزدىكتىڭ 25 جىلدىعى قارساڭىندا تولەبي اۋدانى كوكسايەك پەن قاراتوبە اۋىلدىق وكرۋگىندە ەكى فەلدشەرلىك اكۋشەرلىك پۋنكت ەل يگىلىگىنە پايدالانۋعا بەرىلدى. بۇل تۋرالى «اباي اقپارات» پورتالى وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

ايتا كەتەيىك، وڭتۇستىك قازاقستان وبلىسىنا قاراستى قوس اۋىلدا جاڭادان اشىلعان دەنساۋلىق ساقتاۋ مەكەمەلەرى كۋۆەيت مەملەكەتىنىڭ قر «ازيا مۇسىلماندار كوميتەتىنىڭ دۇنيەجۇزىلىك قايىرىمدىلىق قورى» دەمەۋشىلىگىمەن سالىنىپ وتىر. 
سونىمەن قاتار، الەۋمەتتىك نىسانداردىڭ سالتاناتتى اشىلۋ راسىمىنە توتەنشە جانە وكىلەتتى كۋۆەيت مەملەكەتىنىڭ قازاقستانداعى ەلشىسى دوكتور تارەك ابدۋللا ال-فارادج مىرزا مەن اۋدان اكىمى ب.پارمانوۆ قاتىستى.
وسى جىلدىڭ شىلدە ايىندا قۇرىلىسى باستالعان فاپ-قا 19 مي لليونعا جۋىق قارجى جۇمسالعان. 
دەنساۋلىق ساقتاۋ مەكەمەسىنە كەرەكتى بارلىق قۇرال-جابدىقتارمەن تولىق قامتاماسىز ەتىلگەن جاڭا دەنساۋلىق ساقتاۋ مەكەمەلەرى  800-دەن استام حالىققا الدىڭعى قاتارلى مەديتسينالىق قىزمەت كورسەتەتىن بولادى. 
ەستەرىڭىزگە سالا كەتەيىك، بۇگىنگى تاڭدا  تولەبي اۋدانىندا دەنساۋلىق ساقتاۋ سالاسىندا 2 اۋرۋحانا، 10 وتباسىلىق دارىگەرلىك امبۋلاتوريا مەن 24 فەلدشەرلىك اكۋشەرلىك پۋنكت جانە 16 دارىگەرلىك پۋنكت 118 مىڭعا جۋىق اۋدان حالقىنا ءمىنسىز قىزمەت جاساۋدا.

اباي-اقپارات