ەل تاۋەلسىزدىگى مەرەكەسى قارساڭىندا شىمكەنتتەگى «نازارباەۆ» زياتكەرلىك مەكتەبىنىڭ 500 وقۋشىسى فلەشموب ۇيىمداستىردى. استانا كوشەسىنىڭ ماڭىنا جينالعان شاكىرتتەر ءبىر مەزەتتە «I Love Astana» جازۋىن بەينەلەپ، ەلورداعا دەگەن سۇيىسپەنشىلىگىن پاش ەتتى.
ايتا كەتەيىك، دارىندى جاستار بۇعان دەيىن دە قايىرىمدىلىق شاراسىن وتكىزىپ، ءوز قولدارىمەن جاساعان بۇيىمدار مەن تاتتىلەرىن ساۋدالاعان بولاتىن. تۇسكەن قارجىعا اۋىلدى جەردە تۇراتىن كومەككە مۇقتاج 5 بالاعا «ەكسپو» كورمەسىن تاماشالاۋ ءۇشىن جولداما ساتىپ الىپ بەرگەن.
مەكتەپ باسشىلىعى جاستاردىڭ قوعامدىق بەلسەندىلىگىن بۇدان ءارى ارتتىرىپ، ەلىمىزدىڭ ناعىز پاتريوتى ەتىپ تاربيەلەۋگە كۇش سالامىز دەپ وتىر.

اباي-اقپارات