بيۋدجەت شىعىندارىن قىسقارتۋدىڭ ەڭ ءتيىمدى جولى – كىرىس-شىعىستى قاتاڭ باقىلاۋ. بۇل باقىلاۋدى تەك مەملەكەت قانا، سونىمەن قاتار حالىق تا باقىلاسا ءىس ناتيجەلى بولادى. بۇل تۋرالى «rgmedia.kz» سايتى حابارلايدى.

وسى سەبەپتى، قر پرەزيدەنتى نۇرسۇلتان نازارباەۆتىڭ بەس ينستيتۋتسيونالدى رەفورماسىن جۇزەگە اسىرۋعا باعىتتالعان «ناقتى 100 قادام» - ۇلت جوسپارىنىڭ بەسىنشى باعىتىندا حالىققا ەسەپ بەرەتىن مەملەكەت قۇرۋ كەرەكتىگىن ايتتى. وسى ارقىلى مەملەكەتتىك مەكەمەلەردىڭ جۇمىسىنا حالىق تا باقىلاۋ جاساي الادى.  سونىمەن قاتار، بۇل باقىلاۋلاردى كۇشەيتۋ ءالى دە باستى نازاردا تۇر. ايتا كەتەرلىك جايت، بۇل باقىلاۋ جۇمىستارىنىڭ بارلىعى وڭتۇستىك قازاقستان وبلىسىنداعى «اشىق اكىمدىك» جوباسىنىڭ اياسىندا ىستەلىنىپ جاتىر. ال، «اشىق اكىمدىك» - «100 ناقتى قادامنىڭ» 94 قادامى «اشىق ۇكىمەتتى» قۇرۋ دەپ اتالاتىن قادامىنا سايكەس جۇزەگە استى.

«اشىق اكىمدىك» جوباسى اياسىندا بۇكىل مەملەكەتتىك مەكەمەلەرگە باقىلاۋ جاسايتىن «Smart Ontustik» باعدارلاماسى تۋرالى وبلىس اكىمنىڭ بۇرىنعى ورىنباسارى ساپاربەك تۇياقباەۆ: «ارينە، مۇنداي باقىلاۋ ەشكىمگە ۇنامايدى. دەگەنمەن، بۇل باعدارلامانى ىسكە اسىرۋ ارقىلى كوپتەگەن كورسەتكىشتەرگە قول جەتكىزەمىز. بۇل ارقىلى مەكەمەلەردىڭ جۇمىسى ءمولدىر جانە ناتيجەلى بولادى. ءاربىر قول قويىلعان قۇجات، بۇل قۇجاتقا نە ءۇشىن قول قويعانىن، شىعارىلعان شەشىم، ءبارى باقىلاۋدا بولادى. وسىلايشا، جاۋاپكەرشىلىك ءبىرىنشى ورىنعا شىعادى. باقىلاۋدا بولعان سوڭ، مەكەمەلەر جۇمىستارىنىڭ ساپاسىن ارتتىرادى. ەگەر كادرلار قۇرامىن اۋىستىرۋ كەرەك بولسا، اۋىستىرامىز. بۇل باعدارلاما ىسكە اسقاندا بۇنىڭ جەمىسىن حالىق تا، مەكەمە دە كورەدى. ويتكەنى، قىزمەت ساپاسى ارتادى. «اشىق اكىمدىك» جوباسى – وتە ءساتتى جوبا دەپ ەسەپتەيمىن.

اباي اقپارات