تاۋەلسىزدىك العانىنا 25 جىل تولعان قازاقستان قىسقا مەرزىم ىشىندە كوپتەگەن يگى ىستەردى جۇزەگە اسىرىپ، الەمگە تانىلدى. مىسالى، قازاقستان تاۋەلسىزدىك العان العاشقى جىلدارى يادرولىق قارۋدان باس تارتىپ، الەمدە بەيبىتشىلىك ورناۋىنا ءوز ۇلەسىن قوستى. بۇل تۋرالى «rgmedia.kz» سايتى حابارلايدى.

ەلباسى نۇرسۇلتان نازارباەۆتىڭ بۇل ارەكەتىن كوپتەگەن مەملەكەتتەر ەرلىككە بالاپ، ريزاشىلىقتارىن ءبىلدىردى. وتكەن جىلى بىرىككەن ۇلتتار ۇيىمىنىڭ جيىنىندا ءسوز سويلەپ، ساياسي احۋال قىزىپ تۇرعان شاقتا الەمدى تاتۋلىققا شاقىردى. وسى ارقىلى ول قازاقستاننىڭ بەيبىتشىلىككە ۇمتىلاتىن كورسەتتى. وسىنداي يگى باستامالاردى كوتەرىپ جۇرگەن ەلباسى «ناقتى 100 قادام» - ۇلت جوسپارىن بەكىتىپ، حالىققا ەسەپ بەرەتىن مەملەكەت قۇرۋعا تاپسىرما بەردى. تاپسىرما ەڭ العاش وڭتۇستىك قازاقستان وبلىسىندا «اشىق اكىمدىك» جوباسىمەن جۇزەگە استى. بۇل جوبا بويىنشا، حالىق ارقشان بيلىكپەن بايلانىسا الادى. ەشقانداي كەدەرگىسىز، اكىمگە ساۋال جولداپ، جاۋاپ الا الادى. وسىعان دەيىن وبلىس اكىمى وتكىزگەن ينتەرنەت كونفەرەنتسيادا شىڭعىس ەسىمدى ازامات سۇراق قويدى.

سۇراق: قۇرمەتتى وڭتۇستىك قازاقستان وبلىسىنىڭ اكىمى! قۇرىلىس سالاسىنداعى نىساندى قابىلداۋ تارتىبىندە وزگەرىس بولا ما؟ 

جاۋاپ:قۇرمەتتى شىعگىس ءابۋوۆ، سۇراعىڭىزعا راحمەت. «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسىندا كاسىپكەرلىك قىزمەت ءۇشىن جاعدايدى تۇبەگەيلى جاقسارتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» 2014 جىلعى 29 جەلتوقسانداعى قازاقستان رەسپۋبليكاسىنىڭ زاڭىنا (بۇدان ءارى - زاڭ) سايكەس قۇرىلىس وبەكتىلەردى پايدالانۋعا قابىلداۋ جۇيەلەرى رەفورمالاندى. وسى زاڭ وبەكتىلەردى كوميسسيا ارقىلى پايدالانۋعا قابىلداۋدى الىپ تاستادى جانە وبەكتىنى پايدالانۋعا قابىلداۋدىڭ دەكلاراتسيالىق ءادىسى ەنگىزىلدى، ياعني وبەكتىلەر مەملەكەتتىك ورگاننىڭ قاتىسۋىنسىز، قۇرىلىسقا تاپسىرىس بەرۋشى مەردىگەرمەن، تەحنيكالىق جانە اۆتورلىق قاداعالاۋلارمەن بىرلەسىپ بەكىتكەن ءتيىستى نىساندار بويىنشا پايدالانۋعا قابىلدانادى. بۇل وزگەرىس 2016 جىلعى 1 قاڭتاردان باستاپ قولدانىسقا ەنگىزىلەدى.