قازاقستان ۋاقىتپەن ۇندەسە دامىپ كەلەدى. ەلباسى نۇرسۇلتان نازارباەۆ 5 ينستيتۋتسيونالدى رەفورماسىن جۇزەگە اسىرۋعا نەگىزدەلگەن «ناقتى 100 قادام» - ۇلت جوسپارىندا قازاقستاندى باسەكەگە قابىلەتتى 50 ەلدىڭ قاتارىنا كىرگىزۋ كوزدەلگەن. بۇل تۋرالى «rgmedia.kz» سايتى حابارلايدى.

مىنە، وسى جەردە ەكونوميكا سالاسىنان بولەك، اقپاراتتىڭ اشىق بولۋى دا زور ءرول وينايدى. ياعني، ءبارى جاريا بولاتىن دەموكراتيالى قوعامدا ءاربىر ازامات ءوز ەلىنىڭ دامۋى ءۇشىن وي-پىكىرلەرىن، ۇسىنىستارىن جەتكىزەد الادى. وسى ماقساتتا پرەزيدەنت تاپسىرماسىمەن وڭتۇستىك قازاقستان وبلىسىندا «اشىق اكىمدىك» جوباسى ىسكە قوسىلدى. اتالعان جوبا اياسىندا وبلىس تۇرعىندارى ونلاين تۇردە ءوز ۇسىنىستارىن جولداپ جاتتى. جاقىندا «سامال-1» ش/ا، مىرزاەۆ كوشەسى، №58 ءۇيىنىڭ تۇرعىنى ي.السەركە قالا اكىمدىگىنىڭ رەسي ۆەب سايتىنا كوكەيىندە جۇرگەن سۇراقتى جىبەردى.

سۇراق: – قالامىزداعى ساۋدا ورىندارىنا، قوناق ۇيلەرگە، اسىرەسە تويحانالارعا، باسقا دا قوعامدىق ورىندارعا اتتارىن مىندەتتى تۇردە مەملەكەتتىك تىلدە جازۋ قاجەت. بۇگىنگى تاڭداعى جەكە كاسىپكەرلەر ءتارتىپتىڭ جوقتىعىنان بىلگەندەرىن ىستەپ، ورىس، اعىلشىن تىلدەرىندە اتتارىن جازىپ، ۇلتتىق مۇددەنى ۇمىت قالدىرۋدا. وسى ماسەلەنى قولعا الساڭىزدار.

جاۋاپ: – شاعىن جانە ورتا كاسىپكەرلەرلىك سۋبەكتىلەرىنە اكىمشىلىك توسقاۋىلداردى ازايتۋ ماقساتىندا قۇجاتتاردى كاسىپكەرلەرگە قىزمەت كورسەتۋ ورتالىعى ارقىلى قابىلداپ، زاڭ تالاپتارىنا سايكەس ادىلەت ورگاندارىندا تىركەۋدەن وتكىزەدى. مۇنداي جاعدايدا كاسىپكەرلەر قازاق نەمەسە وزگە تىلدەردە اتاۋ قويۋ تۋرالى شەشىمدى جەكە-دارا قابىلدايدى. اتالعان ماسەلەنىڭ وزەكتىلىگىن ەسكەرە وتىرىپ اتاۋىن زاڭسىز قويعان شاعىن جانە ورتا كاسىپكەرلەر سۋبەكتىلەرىنە رەيدتىك جۇمىستار جۇرگىزىلىپ كەلەدى. قر ءتىل تۋرالى زاڭنامالارىنا قايشى ورنالاسقان ماڭدايشا، جارنامالارعا، قالا اكىمدىگىنىڭ قاۋلىسىمەن اكىمشىلىك ايىپپۇل سالۋ وكىلەتتىلىگى شىمكەنت قالاسىنىڭ مادەنيەت جانە تىلدەردى دامىتۋ بولىمىنە بەرىلدى. الداعى ۋاقىتتا تىلدەرى شۇبارلانىپ جازىلعان كورنەكى اقپاراتتار يەسىنە ايىپپۇل سالىناتىن بولادى.

اباي اقپارات