بۇل تۋرالى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى ءساتجان پولاتوۆ وقو ايماقتىق كوممۋنيكاتسيالار قىزمەتىندە وتكەن ءباسپاسوز جيىنىندا حابارلادى.

اتالعان باسقارمانىڭ تاۋەلسىزدىك جىلدارىندا جۇمىسپەن قامتۋ سالاسى بويىنشا جەتكەن جەتىستىكتەرىنە ارنالعان جيىندا باسشى ورىنباسارى تاۋەلسىزدىك جىلدارىندا وبلىس حالقى 50%-عا ءوسىپ، 2,8 ملن. ادامدى قۇراعانىن، سايكەسىنشە، جۇمىسپەن قامتىلعان حالىقتىڭ سانى 60%-دان استامعا ءوسىپ،  جۇمىسسىز حالىقتىڭ سانى ءۇش ەسەگە جۋىق ازايعانىن جەتكىزدى. ناقتىراق ايتقاندا، وبلىستاعى ستاتيستيكالىق ەسەپ بويىنشا 2000 جىلى جۇمىسسىزدىق دەڭگەيى 14,3 پايىزدى قۇراپ، 2016 جىلى 5,1 پايىزعا (2016 ج. ءىىى توقسان قورىتىندىسى) تومەندەگەن. ال وسى مەرزىم ىشىندە از قامتىلعان وتباسىلارعا الەۋمەتتىك كومەك رەتىندە 42,8 ملرد. تەڭگەدەن استام قارجى ءبولىنىپتى.   

«تاۋەلسىزدىكتىڭ 25 جىلىندا جۇمىسپەن قامتىلعان حالىقتىڭ سانى ارتىپ، جۇمىسسىزداردىڭ سانى جانە جۇمىسسىزدىق دەڭگەيى  تومەندەۋى بايقالىپ وتىر. ونىڭ دالەلى 2009 جىلعى جۇمىسسىزداردىڭ سانى 75 مىڭ ادامنان بۇگىنگى كۇنگە 62,1 مىڭ ادامعا، جۇمىسسىزدىق دەڭگەيى 6,6 پايىزدان، 5,1 پايىزعا، جاستار اراسىنداعى جۇمىسسىزدىق دەڭگەيى 8,1 پايىزدان 3,5 پايىزعا دەيىن تومەندەدى»، - دەدى س.پولاتوۆ.

ەگەمەندىك تويى قارساڭىندا، جىل باسىنان بەرى وبلىستا 46480 جاڭا جۇمىس ورىندارى اشىلعانىن بايانداعان ءساتجان مۇحتارۇلى الداعى ۋاقىتتاردا مەملەكەتتىك جانە سالالىق باعدارلامالار نەگىزىندە تاعى دا 51220 جاڭا جۇمىس ورىندارى اشىلاتىنى جوسپارلانىپ (ونىڭ ىشىندە 4687 ورىن «نۇرلى جول»، 2404 ورىن ء«ۇيد» باعدارلاماسى شەڭبەرىندە، 12031 ورىن مەملەكەتتىك سالالىق، 2330 ورىن «بيزنەستىڭ جول كارتاسى 2020 جول كارتاسى»، 1266 ورىن «اگروبيزنەس 2020» شەڭبەرىندە، 6351 ورىن «جۇمىسپەن قامتۋ 2020 جول كارتاسى»، 22152 ورىن "وڭىرلەردى دامىتۋ" مەملەكەتتىك باعدارلامالارى اياسىندا) جاتقانىن جەتكىزدى. سونداي-اق، جەرگىلىكتى جۇمىسسىز ازاماتتاردى جۇمىسپەن قامتۋ ماقساتىندا 11392 ادامدى جۇمىسپەن قامتۋ ورگاندارى ارقىلى جۇمىسقا ورنالاساتىنى كوزدەلگەنىن دە اتاپ ءوتتى.

سالاداعى ەلەۋلى جەتىستىكتەردىڭ ءبىرى «جۇمىسپەن قامتۋ 2020 جول كارتاسى» باعدارلاماسىنىڭ جۇزەگە اسىرىلۋى ەكەنىن ايتقان سپيكەر اتالعان باعدارلامانىڭ ارقاسىندا كوپتەگەن ازاماتتاردىڭ جۇمىسپەن قامتۋ ناتيجەسىندە ولاردىڭ تابىسى ارتىپ، ءال-اۋقاتىنىڭ جاقسارىپ جاتقانىن قۋانتارلىقتاي جاعداي ەكەنىن جەتكىزدى.  

مەملەكەت باسشىسىنىڭ تاپسىرماسى بويىنشا 2011 جىلدان باستاپ ينفراقۇرىلىمدىق جوبالاردى ىسكە اسىرۋ ارقىلى جاڭا جۇمىس ورىندارىن قۇرۋ، كاسىپكەرلىكتى دامىتۋ، كاسىپتىك دايارلاۋ جانە جۇمىسپەن قامتۋعا جاردەمدەسۋگە باعىتتالعان «جول كارتاسى 2020» باعدارلاماسى جۇزەگە اسىرۋدا 6,2 مىڭ ادامعا شاعىن نەسيە بەرىلسە، 20,3 مىڭ ادام كاسىبي وقۋعا جولدانىپ، ماماندىق الۋىنا، 216,1 مىڭ ادامنىڭ تۇراقتى جۇمىسقا ورنالاسىپ، تابىسىن ارتتىرۋىنا مۇمكىندىكتەر تۋعان.

Abai.kz